Suidae lexicon

4248 Ἀϲτράβη: ὄνοϲ. ἡ ἡμίονοϲ, ὡϲ Δημοϲθένηϲ κατὰ Μειδίου. [*](Harp.) τάχα δὲ καὶ πᾶν ὑποζύγιον, ἐφ᾿ οὗ οἱ ἄνθρωποι ὀχοῦνται, οὕτωϲ [*](Σ) ἐκαλεῖτο. ἢ Ἀϲτράβη, τὸ ἐπὶ τῶν ἐφίππων ξύλον, ὃ κρατοῦϲιν [*](Δ) οἱ καθεζόμενοι. καὶ Ἀϲτραβηλάτηϲ, ὁ ἡνίοχοϲ. ἢ καὶ αὐτὸ [*](Σ) τὸ νωτοφόρον ὑποζύγιον. οἱ δὲ τὸν ϲωματηγὸν ἡμίονον ἀϲτράβην [*](Metaphr.) λέγουϲιν. ὁ δὲ τῆϲ ἡμιόνου ἀποτυχούϲηϲ τόν τε φόρτον καὶ τὴν ἀϲτράβην διάραϲ ἐπὶ τῶν ὤμων, εἰϲ τὴν μονὴν τοῦ θείου Σάββα ἔρχεται.

4249 Ἄϲτρα βλέπειν κάλλιϲτον ἀνθρώποιϲ πέλει.

4250 Ἀϲτράγαλοϲ: κυρίωϲ τὸ ϲύνηθεϲ λεγόμενον· καὶ ὁ ϲπόνδυλοϲ τοῦ τραχήλου, καὶ ὁ πεττικόϲ· καὶ βοτάνη δὲ οὕτωϲ καλεῖται. Ἀϲτράγαλοϲ· καὶ ὃν ἐθεάϲατο Βαλτάϲαρ ὁ υἱὸϲ Ναβουχοδονόϲορ ἐν τῷ δείπνῳ ἀνακείμενοϲ κατέναντι τοῦ τοίχου, ὡϲ ἀϲτράγαλον χειρὸϲ ἀνθρώπου, γράφοντα τῇ Ἑβραΐδι γλώττη, ἃ μηδεὶϲ ἠδύνατο γνῶναι. μεταϲτειλάμενοϲ δὲ τὸν Δανιὴλ παρεκάλει ἑρμηνεῦϲαι αὐτῷ ταῦτα. ὁ δὲ εἶπεν αὐτῷ· τὸν ἀϲτράγαλον, ὃν εἶδεϲ, χείρ ἐϲτι θεοῦ ζῶντοϲ· καὶ ἔγραψεν, ὅτι ἐμέτρηϲε καὶ ἐπλήρωϲε τὴν βαϲιλείαν ϲου. ἀκούϲαϲ οὖν ὁ Βαλτάϲαρ ἐθλίβη, καὶ μετ᾿ ὀλίγον ὑπὸ Δαρείου τοῦ Μήδου ἀνῃρέθη. [*](Δ) καὶ Ἀϲτραγαλίζω.

4251Ἀϲτράμψυχοϲ, ὃϲ βιβλίον ἰατρικὸν εἰϲ ὄνων θεραπείαν πεποίηκε, καὶ Ὀνειροκριτικόν.

4252 Ἀϲτραπή: ἔξαψιϲ νεφῶν παρατριβομένων ἢ ῥηγνυμένων ὑπὸ [*](Prov.) πνεύματοϲ. καὶ παροιμία· Ἀϲτραπὴ ἐκ πυελίου· ἐπὶ τῆϲ οὐθενείαϲ. παρόϲον οὐδὲν δύνανται αἱ ἐκ τῶν κρηνῶν καὶ πυέλων μαρμαρυγαί.

4253 Ἀϲτράπτω· δοτικῇ.

4254 Ἀϲτρατεία: ἡ εἰρήνη· ἐπεὶ ἐν εἰρήνη οὐ ϲτρατεύονται.

4255 Ἄϲτρια: οἱ ἀϲτράγαλοι. δέκα δ᾿ ἄϲτρια αἴνυτο λάτρον· παρὰ Καλλιμάχῳ.

4256 Ἀϲτρόβακοϲ: ὁ ἀϲτρονόμοϲ.

4257 Ἀϲτρονομία: ἡ τῶν ἄϲτρων διανομή. πρῶτοι Βαβυλώνιοι [*](Δ) ταύτην ἐφεῦρον διὰ Ζωροάϲτρου· μεθ᾿ ὧν καὶ Ὀϲτάνηϲ· οἳ ἐπέϲτηϲαν τῆ οὐρανίᾳ κινήϲει τὰ περὶ τοὺϲ τικτομένουϲ ϲυμβαίνειν· ἀφ᾿ ὧν Αἰγύπτιοι καὶ Ἕλληνεϲ ἐδέξαντο καὶ τοὺϲ γεννωμένουϲ ἀναφέρουϲιν εἰϲ τὴν τῶν ἀϲτέρων κίνηϲιν. καὶ Ἄϲτροιϲ τεκμαίρεϲθαι, Prov. ἐπὶ τῶν μακρὰν καὶ ἔρημον ὁδὸν πορευομένων καὶ ἄϲτροιϲ ϲημειουμένων τὰϲ θέϲειϲ τῶν πατρίδων. καὶ Ἀϲτρῷοϲ, ὁ ἐκ τῶν [*](Δ) ἄϲτρων. ὅτι μαγεία καὶ ἀϲτρολογία ἀπὸ Μαγουϲοίων ἤρξατο. οἱ γάρ τοι Suid. Πέρϲαι Μαγὼγ ὑπὸ τῶν ἐγχωρίων ὀνομάζονται. καὶ Μαγουϲαῖοι, οἱ αὐτοί.

4258 Ἄϲτυ, ἄϲτεοϲ. οὐκέτι δὲ ἀνάλογον ἥμιϲυ ἡμίϲεοϲ, ἀλλὰ καὶ [*](Δ) ἡμίϲεωϲ.

4259 Ἀϲτυάγηϲ, γραμματικόϲ. Τέχνην γραμματικὴν, Περὶ διαλέκτων, [*](Hesy.) Περὶ μέτρων, Κανόναϲ ὀνοματικοὺϲ, καὶ εἰϲ Καλλίμαχον τὸν ποιητὴν ὑπόμνημα.

4260 Ἀϲτυάναξ: ὄνομα κύριον. καὶ Ἀϲτυανάκτειοϲ.

4261 Ἀϲτυάναϲϲα, Ἑλένηϲ τῆϲ Μενελάου θεράπαινα· ἥτιϲ πρώτη [*](Hesy. ?) τὰϲ ἐν τῆ ϲυνουϲίᾳ κατακλίϲειϲ εὗρε καὶ ἔγραψε περὶ ϲχημάτων ϲυνουϲιαϲτικῶν· ἣν ὕϲτερον παρεζήλωϲαν Φιλαινὶϲ καὶ Ἐλεφαντίνη, αἱ τὰ τοιαῦτα ἐξορχηϲάμεναι ἀϲελγήματα.

4262 Ἀϲτυβοώτηϲ: ὁ κήρυξ ἐπιθετικῶϲ, ἀπὸ τοῦ ἐν ἄϲτει βοᾶν. [*](Hom.) καλήτορα δὲ τὸν αὐτὸν ἀπὸ τοῦ καλεῖν φαϲιν.

4263 Ἀϲτυγείτων: πληϲιόχωροϲ.

4264 Ἀϲτυδάμαϲ, ὁ πρεϲβύτηϲ, υἱὸϲ Μορϲίμου τοῦ Φιλοκλέουϲ, [*](Hesy.) τραγικῶν ἀμφοτέρων, Ἀθηναῖοϲ, τραγικόϲ. ἔγραψε τραγῳδίαϲ ϲμ΄, ἐνίκηϲε ιε΄. ἀκροαϲάμενοϲ δὲ ἦν Ἰϲοκράτουϲ καὶ ἐτράπη ἐπὶ τραγῳδίαν.

4265 Ἀϲτυδάμαϲ, ὁ νέοϲ, υἱὸϲ τοῦ προτέρου, τραγικὸϲ καὶ αὐτόϲ. [*](Hesy.) δράματα αὐτοῦ Ἡρακλῆϲ Σατυρικὸϲ, Ἐπίγονοι, Αἴαϲ μαινόμενοϲ, Βελλεροφόντηϲ, Τυρὼ, Ἀλκμήνη, Φοῖιξ, Παλαμήδηϲ.

4266 Ἀϲτυδρομία: παρὰ Λίβυϲιν οἱονεὶ τῆϲ πόλεωϲ γενέθλια, καὶ Θεοδαίϲια ἑορτὴ, ἐν ἧ ἐτίμων Διόνυϲον καὶ τὰϲ Νύμφαϲ· ἐμοὶ δοκεῖν, νηφάλιόν τε καὶ τὴν ἀγαθὴν κρᾶϲιν αἰνιττόμενοι.

4267 Ἀϲτύνιον.