Scholia in Iliadem

390. *ἴθι] τελεία μετὰ τὸ “ἴθι” στιγμή.

Ἀλέξανδρός σε καλεῖ] διχῇ αὐτὴν ἀναζωπυρεῖ ὑπομιμνῄσκουσα τοῦ ἀνδρὸς ἀπὸ τοῦ κάλλους καὶ τοῦ τόπου.

391. δινωτοῖσι] ἐφʼ ὧν ἀκινητοῦμεν, κατὰ ἀντίφρασιν· ἢ ὅτι [*](B=) δῖνος ὁ τόρνος. §. καὶ διὰ τοῦ ι φησὶν ὁ Ἡρωδιανὸς ἐν τῷ περὶ σχη- μάτων.

* κεῖνος ὅ γε] λείπει τὸ ἐστίν· ἐπεὶ δὲ συνήθης ἡ φράσις, ἐὰν τεθῇ, δοκεῖ πλεονάζειν.

392. κάλλεΐ τε στίλβων] ταῦτά φησιν, ἵνα μὴ διὰ τὸν λύθρον αὐτὸν μυσαχθῇ.

393. *τόν γʼ ἐλθεῖν] ὀλίγον διασταλτέον μετὰ τὸ “ἐλθεῖν.”

ἀλλὰ χορόν] ἠιθέων τὸ χορεύειν· ἐφʼ καὶ Πρίαμος ὀνειδίζει τοῖς υἱοῖς “χορο〈ι〉τυπίῃσιν ἄριστοι” (Il. 24. 261).

390. περικαλλέα δειρήν] καὶ μὴν γραὶ παρεικασθεῖσα ἦν. ἀλλʼ ἔθος τοῖς ἡμιθέοις ἐπιγινώσκειν τοὺς θεούς, ὡς Αἴας τὸν Ποσειδῶνα (Il. 13. 68).

397. στήθεά θʼ ἱμερόεντα] οὐδὲν ἄτοπον γυμνὴν φαίνεσθαι τὴν θεόν Ἑλένῃ γὰρ ἤθελε γνωρισθῆναι· κρύπτεται δὲ τὰς Τρωάς.

398. *ἔπειτα] “ἔπειτα” τὸ δεύτερον.

399. δαιμονίη] [παρρη|σιάζεται ἡ Ἕλένη ὡς πρὸς ἀδελφήν. λιλαίεαι] λῶ τὸ θέλω· ἀναδιπλασιασμὸς λιλῶ· ὡς κερῶ κεραίω, οὕτω καὶ λιλῶ λιλαίω.

400. πή με προτέρω] τὸ ᾖ περισπαστέον, τὸ δὲ “πή” ὀξυντέον διὰ τὸ “μέ·” οὐ γάρ ἐστι νῦν ἐρωτηματικὸν τὸ πῆ, ἀλλὰ ἀόριστον.

401. * Φρυγίης] λείπει ἡ ἐπί.

402. εἴ τις τοι καὶ κεῖθι φίλος] ἐκ πλήρους ὁ καί σύνδεσμος.

403. οὕνεκα δὴ νῦν] κομματικὸς ὁ λόγος τῇ δυσχεραινούσῃ διανοίᾳ. θέλει δὲ εἰπεῖν, ὅτι οὔ με λανθάνεις ἐφʼ ᾧ ἦλθες ἐνθάδε.

* δῖον] τοῦτο ἀπὸ ἄλλης ἀρχῆς.

405. τοὔνεκα δὴ νῦν—δολοφρονέουσα παρέστης] ἠθικῶς πυνθάνεται· διὸ οὐ δεῖ ὑποστίζειν εἰς τὸ “παρέστης.”

406. ἧσο παῤ αὐτὸν 〈ἰοῦσα, θεῶν δʼ ἀπόειπε κελεύθου)] οὕτω πᾶσαι· οὐκ ἐπαρᾶται δέ, ἀλλʼ ὀνειδίζει ἀντὶ τοῦ μὴ πρᾶσσε τὰ θεῶν.

411. κείνου πορσυνέουσα] λέχος εὐτρεπίζουσα, ὡς τὸ “λέχος [*](B=) πόρσυνε καὶ εὐνήν” (Od. 3. 403, 7. 347). §. τὸ δὲ ἑξῆς, οὐκ εἶμι [*](A- B=) κεῖσε πορσυνέουσα λέχος· τὸ δὲ “νεμεσ〈σ〉ητόν” διὰ μέσου.

Τρῳαὶ δέ μʼ ὀπίσσω πᾶσαι μωμήσονται] ὡς δευτέρας μάχης [*](B=) αἰτίαν οὖσαν· ἔδει γὰρ αὐτὴν τῷ νικήσαντι ἕπεσθαι.

414. μή μʼ ἔρεθε, σχετλίη] τὸ ἀνεξίκακον τῆς θείας ἐδήλωσε [*](B=) φύσεως· “θεὸς ἐπὶ σμικροῖσιν οὐ θερμαίνεται, ἀλλʼ ὡς λέβης τις μείζονος δεῖται πυρός” (fr. adesp. 371 N.).

μὴ χωσαμένη σε μεθείω] μετωνυμικῶς ἀντὶ τοῦ ἐαθῆναι ποιήσω, [*](AB=) ὡς καὶ φιληθῆναι ἐποίησα.

416. μητίσομαι αἴσχεα λυγρά] καὶ τῶν ἐναντίων γὰρ ἔχουσιν [*](Β=) ἐξουσίαν οἱ θεοί, ὡς αἱ Μοῦσαι ἐπὶ Θαμύριδι (Il. 2. 599).

αἴσχεα λυγρά] ἡ μὲν ἑτέρα τῶν Ἀριστάρχου “αἴσχεα,” ἡ δὲ [*](A=) ἑτέρα “ἄλγεα.”

417. *ὄληαι] ἀντὶ τοῦ ὄλοιο.

418. ἔδδεισεν δʼ Ἑλένη] διδάσκει μὴ θρασείας γίνεσθαι πρὸς [*](B=) τοὺς ὑπερέχοντας τὰς ἀποκρίσεις.

419. βῆ δὲ κατασχομένη] πάλιν κοσμίως ἀναχωρεῖ.

ἑανῷ ἀργῆτι φαεινῷ] ἐκ παραλλήλου τὸ αὐτό.