Scholia in Iliadem

63. παμφαίνων, τότε δʼ αὖτις ἔδυυ.ῶς Ἕκτωρ ὁτὲ μέν] ἐμφερε- στάτη ἡ εἰκὼν πρὸς ἀμφότερα, πρός τε τὴν λαμπρότητα καὶ τὸ μὴ διηνεκῶς φαίνεσθαι, ἀλλʼ ἔσθʼ ὅτε καὶ ἀποκρύπτεσθαι. ὥσπερ οὖν ὁ ἀστὴρ ἐν τῇ κινήσει ἐνίοτε καὶ ὑπονέφελος γίνεται, οὕτω καὶ Ἕκτορά φησι 〈καὶ〉 ἀπολάμπεσθαι τοῖς ὅπλοις 〈καὶ〉 ἐνίοτε κατακρύπτεσθαι ὑπὸ τοῦ πλήθους, ἄλλοτε ἐπʼ ἄλλα μέρη ἐπιφαινόμενον.

67. ὥς τʼ ἀμητῆρες] τοὺς μαχομένους ξίφεσι καὶ δόρασι τοῖς θερίζουσι διὰ τῶν δρεπάνων παρέβαλεν.

ἐναντίοι ἀλλήλοισιν ὄγμον ἐλαύνωσιν] τὸ παλαιὸν γὰρ οὕτως ἐθέριζον, ἀπὸ τῶν περάτων ἀρχόμενοι καὶ εἰς τὰ μέσα τελευτῶντες.

68, ὄγμον ἐλαύνωσιν] πρὸς τὴν σύντομον ἀναίρεσιν.

ἀνδρὸς μάκαρος κατʼ ἄρουραν] ἐν πλατεῖ γὰρ ληίῳ πολλοὺς ἐργάζεσθαι εἰκός ἐστιν.

69.ταρφέαπίπτει]τὸεὐχερὲςκαὶ δυσαρίθμητοντῶν πιπτόντων δηλοῖ.

70. ὣς Τρῶες καὶ Ἀχαιοὶ—θορόντες 〈δἠουν〉, οὐδʼ ἕτεροι μνώοντο] οἳ μὲν ὑπὸ Διός, σἐ δὲ φπὸ Ἔριδος.

72. ἴσας δʼ ὑσμίνῃ κεφαλὰς ἔχον] ἀντὶ τοῦ ἰσοκέφαλος ἦν αὐτοῖς ἡ μάχη. §. θαυμαστῶς τέως ἰσορροποῦσιν Ἕλληνες καὶταῦτα ἀπὸ δυστυχίας ὄντες, μετʼ οὐ πολὺ δὲ καὶ περιέσονται τῶν Τρώων.

ἴσας δʼ ὑσμίνο] χωρὶς τοῦ ι γράφει ὁ Ἀρίσταρχος, ἵν ᾖ ἡ ὑσμίνη τῶν Ἕλλήνων τε καὶ τῶν Τρώων ἰσοκέφαλος ἦν, οἷον ἀμφο- τέροις ἰσοκέφαλος ἦν ἡ μάχῃ.

οἱ δὲ λύκοι ὥς] πρὸς τὸ πρόθυμον καὶ κατὰ τὸ πλῆθος δραστικόν· ὁ γὰρ λέων μόνος ἀγωνίζεται.

76. οἷσιν ἐνὶ μεγάροισι] οὐδὲ ὁρᾶν ὑπομένοντες τὴν μάχην διὰ τὸ ἐληλάσθαι ὑπὸ Διός.