Proverbia
Septuaginta
Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.
- ἐν παντὶ τόπῳ ὀφθαλμοὶ Κυρίου·
- σκοπεύουσιν κακούς τε καὶ ἀγαθούς.
- ἴασις γλώσσης δένδρον ζωῆς,
- ὁ δὲ συντηρῶν αὐτὴν πλησθήσεται πνεύματος.
- ἄφρων μυκτηρίζει παιδίαν πατρός,
- ὁ δὲ φυλάσσων ἐντολὰς πανουργότερος.
- ἐν πλεοναζούσῃ δικαιοσύνῃ ἰσχὺς πολλή,
- οἱ δὲ ἀσεβεῖς ὁλόριζοι ἐκ γῆς ἀπολοῦνται·
- οἴκοις δικαίων ἰσχὺς πολλή,
- καρποὶ δὲ ἀσεβῶν ἀπολοῦνται.
- χείλη σοφῶν δέδεται αἰσθήσει,
- καρδίαι δὲ ἀφρόνων οὐκ ἀσφαλεῖς.
445
- θυσίαι ἀσεβῶν βδέλυγμα Κυρίῳ, [*](B)
- εὐχαὶ δὲ κατευθυνόντων δεκταὶ παρʼ αὐτῷ.
- βδέλυγμα Κυρίῳ ὁδοὶ ἀσεβοῦς,
- διώκοντας δὲ δικαιοσύνην ἀγαπᾷ.
- παιδεία ἀκάκου γνωρίζεται ὑπὸ τῶν παριόντων,
- οἱ δὲ μισοῦντες ἐλέγχους τελευτῶσιν αἰσχρῶς.
- ᾅδης καὶ ἀπώλεια φανερὰ παρὰ τῷ κυρίῳ,
- πῶς οὐχὶ καὶ αἱ καρδίαι τῶν ἀνθρώπων;