Alexandra

Lycophron

Lycophron. Callimachus and Lycophron, Aratus. Mair, A. W., editor. London: William Heinmann; New York: G.P. Putnam's Sons, 1921.

  1. ῥιφέντα τόλμαις αἰετῶν ἐπόψεται,
  2. ἄπιστα καὶ θαμβητὰ Φηραίοις κλύειν.
  3. ὁ μὲν κρανείᾳ κοῖλον οὐτάσας στύπος
  4. φηγοῦ κελαινῆς διπτύχων ἕνα φθερεῖ,
  5. λέοντα ταύρῳ συμβαλόντα φύλοπιν.
  6. ὁ δʼ αὖ σιγύμνῳ πλεύρʼ ἀναρρήξας βοὸς
  7. κλινεῖ πρὸς οὖδας. τῷ δὲ δευτέραν ἔπι
  8. πληγὴν ἀθαμβὴς κριὸς ἐγκορύψεται,
  9. ἄγαλμα πήλας τῶν Ἀμυκλαίων τάφων.
  10. ὁμοῦ δὲ χαλκὸς καὶ κεραύνιοι βολαὶ
  11. ταύρους καταξανοῦσιν, ὧν ἀλκὴν ἑνὸς
  12. οὐδʼ ὁ Σκιαστὴς Ὀρχιεὺς Τιλφούσιος
  13. ἐμέμψατʼ, ἐν χάρμαισι ῥαιβώσας κέρας.
  14. καὶ τοὺς μὲν Ἅιδης, τοὺς δʼ Ὀλύμπιοι πλάκες