Alexandra

Lycophron

Lycophron. Callimachus and Lycophron, Aratus. Mair, A. W., editor. London: William Heinmann; New York: G.P. Putnam's Sons, 1921.

  1. δαίμων Προμανθεὺς Αἰθίοψ Γυράψιος,
  2. ὅς, τὸν πλανήτην Ὀρθάνην ὅταν δόμοις
  3. σίνιν καταρρακτῆρα δέξωνται πικρὸν
  4. οἱ δεινὰ κἀπόθεστα πείσεσθαί ποτε
  5. μέλλοντες, ἔν τε δαιτὶ καὶ θαλυσίοις
  6. λοιβαῖσι μειλίσσωσιν ἀστεργῆ Κράγον,
  7. θήσει βαρὺν κογῳὸν ἐν λέσχαις μέσον.
  8. καὶ πρῶτα μὲν μύθοισιν ἀλλήλους ὀδὰξ
  9. βρύξουσι κηκασμοῖσιν ὠκριωμένοι,
  10. αὖθις δʼ ἐναιχμάσουσιν αὐτανέψιοι,
  11. ἀνεψιαῖς ὄρνισι χραισμῆσαι γάμους
  12. βιαιοκλῶπας ἁρπαγάς τε συγγόνων
  13. χρῄζοντες, ἀλφῆς τῆς ἀεδνώτου δίκην.
  14. ἦ πολλὰ δὴ βέλεμνα Κνηκιὼν πόρος