Alexandra

Lycophron

Lycophron. Callimachus and Lycophron, Aratus. Mair, A. W., editor. London: William Heinmann; New York: G.P. Putnam's Sons, 1921.

  1. καὶ δὴ Παλαίμων δέρκεται βρεφοκτόνος
  2. ζέουσαν αἰθυίαισι πλεκτανοστόλοις
  3. γραῖαν ξύνευνον Ὠγένου Τιτηνίδα.
  4. καὶ δὴ διπλᾶ σὺν πατρὶ ῥαίεται τέκνα,
  5. στερρῷ τυπέντι κλεῖδας εὐάρχῳ μύλῳ,
  6. τὰ πρόσθεν αὐλητῆρος ἐκπεφευγότα
  7. ψυδραῖσι φήμαις λαρνακοφθόρους ῥιφάς,
  8. ᾧ δὴ πιθήσας στυγνὸς ἄρταμος τέκνων,
  9. αἰθυιόθρεπτος πορκέων λιναγρέτης,
  10. κρηθμοῖσι καὶ ῥαιβοῖσι νηρίταις φίλος,
  11. χηλῷ κατεδρύφαξε διπτύχους γονάς.
  12. σὺν τοῖς δʼ ὁ τλήμων, μητρὸς οὐ φράσας θεᾶς
  13. μνήμων ἐφετμάς, ἀλλᾶ ληθάργῳ σφαλείς,
  14. πρηνὴς θανεῖται στέρνον οὐτασθεὶς ξίφει.