Geographiae informatio

Jam vero a Myriandro usque Gades computamus stadia 26820, hoc modo: Myriandro proxima navigatione solvitur in Cyprum ejusque primas insulas, quas Cleidas (quali dixeris claves) appellant, stadiis 1400: Inde abest ejusdem insulæ promontorium ultimum Acamas stadiis 3300. Hinc in Chelidonias insulas per mare Pamphylium stadia sunt 1300. Tum ad oppidum Lyciæ Patara 800. dein ut sis e regione Rhodi insulæ, numerantur 700. Postea Carpathium mare navigatur stadiis 140, donec Astypalæam pervenias. Abest inde Tænarus Peloponnesi promontorium stadiis 1450, et ab hoc Pachynus Siciliæ 4000, unde Lilybæum ejusdem insulæ oppidum distat navigatione maris Lybici stadia 1520. Ab hoc loco per mare Tyrrenum abest Caralis Sardiniæ oppidum stadia 2800; unde Gades tenditur præternavigatis insulis Gymnesiis seu Balearibus 10000. stadiorum cursu. Ad extremum Gadibus præter Sacrum promontorium navigatur in Artabrorum portum stadiis 3932. Ita fiunt in universum 72477. stadia. In

Alia via, quæ certior itinere terreno maxime patet. A Gange ad Euphratem amnem stadia 41350. Ab Euphrate ad oppidum Cappadociæ Mazaca 2550. A Mazacis vero per mediam Phrygiam submontanam et magnam Cariam recta Ephesum 3320. Ita colliguntur a Gange Ephesum usque stadia in universum 47220. Ab Epheso per Ægæum pelagus usque Delum sunt stadia 1600. Hinc ad Isthmum Corinthium sunt 1700 omnino. Ab Isthmo per sinum Corinthiacum Patras Achaiæ oppidum stadia interjacent 720. Abinde Leucadem 700. mox hinc in Corcyram tantundem. A Corcyra usque ad montes Epiri, quos Acroceraunia vocant, stadia sunt 1060. Inde Brundusium 700. Unde terrestri itinere Romam proficiscenti restant 2880. Roma usque ad Alpes et vicum Scingomagum, de sub ipsis Alpibus positum, stadia sunt 4152. Unde per Galliam ad Pyrenæos montes et oppidum Illiberim numerantur --- Hinc usque Gades secundum mansiones computant 2651. in quam insulam trajectus est stadiorum 60. Omnis ergo numerus ab extremo Gange ad Gades colligitur consurgere in 71560 stadia, Lati