Eumenides

Aeschylus

Aeschylus, Volume 2. Smyth, Herbert Weir, editor. London; New York: William Heinemann; G.P. Putnam's Sons, 1926.

  1. τίς γὰρ δεδοικὼς μηδὲν ἔνδικος βροτῶν;
  2. τοιόνδε τοι ταρβοῦντες ἐνδίκως σέβας
  3. ἔρυμά τε χώρας καὶ πόλεως σωτήριον
  4. ἔχοιτʼ ἄν, οἷον οὔτις ἀνθρώπων ἔχει,
  5. οὔτʼ ἐν Σκύθῃσιν οὔτε Πέλοπος ἐν τόποις.
  6. κερδῶν ἄθικτον τοῦτο βουλευτήριον,
  7. αἰδοῖον, ὀξύθυμον, εὑδόντων ὕπερ
  8. ἐγρηγορὸς φρούρημα γῆς καθίσταμαι.
  9. ταύτην μὲν ἐξέτεινʼ ἐμοῖς παραίνεσιν
  10. ἀστοῖσιν εἰς τὸ λοιπόν· ὀρθοῦσθαι δὲ χρὴ
  11. καὶ ψῆφον αἴρειν καὶ διαγνῶναι δίκην
  12. αἰδουμένους τὸν ὅρκον. εἴρηται λόγος.
Χορός
  1. καὶ μὴν βαρεῖαν τήνδʼ ὁμιλίαν χθονὸς
  2. ξύμβουλός εἰμι μηδαμῶς ἀτιμάσαι.
Ἀπόλλων
  1. κἄγωγε χρησμοὺς τοὺς ἐμούς τε καὶ Διὸς
  2. ταρβεῖν κελεύω μηδʼ ἀκαρπώτους κτίσαι.
Χορός
  1. ἀλλʼ αἱματηρὰ πράγματʼ οὐ λαχὼν σέβεις,
  2. μαντεῖα δʼ οὐκέθʼ ἁγνὰ μαντεύσῃ νέμων.
Ἀπόλλων
  1. ἦ καὶ πατήρ τι σφάλλεται βουλευμάτων
  2. πρωτοκτόνοισι προστροπαῖς Ἰξίονος;