Eumenides
Aeschylus
Aeschyli Tragoediae. Sidgwick, Arthur, editor. Oxford: Clarendon Press, 1902.
- ποῦ γὰρ τοσοῦτο κέντρον ὡς μητροκτονεῖν;
- δυοῖν παρόντοιν ἥμισυς λόγος[*](λόγος Fl V: λόγου M) πάρα.
- ἀλλ᾽ ὅρκον οὐ δέξαιτ᾽ ἄν, οὐ δοῦναι θέλοι.[*](θέλοι Schütz: θέλει codd.)
- κλύειν δίκαιος[*](δίκαιος Dindorf: δικαίους (υ in rasura) M, ω supra scr. m) μᾶλλον ἢ πρᾶξαι θέλεις.
- πῶς δή; δίδαξον: τῶν σοφῶν γὰρ οὐ πένει.
- ὅρκοις τὰ μὴ δίκαια μὴ νικᾶν λέγω.
- ἀλλ᾽ ἐξέλεγχε, κρῖνε δ᾽ εὐθεῖαν δίκην.
- ἦ κἀπ᾽ ἐμοὶ τρέποιτ᾽ ἂν αἰτίας τέλος;
- πῶς δ᾽ οὔ; σέβουσαί γ᾽ ἀξίαν κἀπ᾽ ἀξίων.[*](κἀπ᾽ ἀξίων Arnald: τ᾽ ἐπαξίων M)
- τί πρὸς τάδ᾽ εἰπεῖν, ὦ ξέν᾽, ἐν μέρει θέλεις;
- λέξας δὲ χώραν καὶ γένος καὶ ξυμφορὰς
- τὰς σάς, ἔπειτα τόνδ᾽ ἀμυναθοῦ[*](ἀμυναθοῦ Dindorf: ἀμυνάθου codd.) ψόγον:
- εἴπερ πεποιθὼς τῇ δίκῃ βρέτας τόδε
- ἧσαι φυλάσσων ἑστίας ἁμῆς πέλας
- σεμνὸς προσίκτωρ ἐν[*](ἐν in ampliore spatio m) τρόποις Ἰξίονος:
- τούτοις ἀμείβου πᾶσιν εὐμαθές τί μοι.