Eumenides

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. τὸν ἄνδρ᾽ ἐκεῖνον οὔ τι μὴ λίπω[*](λίπω Porson: λείπω codd.) ποτέ.
Ἀπόλλων
  1. σὺ δ᾽ οὖν δίωκε καὶ πόνον πλέω[*](πλέω Auratus: πλέον codd.) τίθου.
Χορός
  1. τιμὰς σὺ μὴ ξύντεμνε τὰς ἐμὰς λόγῳ.
Ἀπόλλων
  1. οὐδ᾽ ἂν δεχοίμην ὥστ᾽ ἔχειν τιμὰς σέθεν.
Χορός
  1. μέγας γὰρ ἔμπας πὰρ Διὸς θρόνοις λέγει:
  2. ἐγὼ δ᾽, ἄγει[*](ἄγει Fl V: ἄγειν M) γὰρ αἷμα μητρῷον,[*](μητρῷον Fl V: μητρώων M) δίκας
  3. μέτειμι τόνδε φῶτα κἀκκυνηγετῶ.[*](κἀκκυνηγετῶ Erfurdt: κἀκκυνηγέτης M)
Ἀπόλλων
  1. ἐγὼ δ᾽ ἀρήξω τὸν ἱκέτην τε ῥύσομαι:
  2. δεινὴ γὰρ ἐν βροτοῖσι κἀν θεοῖς πέλει
  3. τοῦ προστροπαίου μῆνις, εἰ προδῶ σφ᾽ ἑκών.
Ὀρέστης
  1. ἄνασσ᾽ Ἀθάνα, Λοξίου κελεύσμασιν
  2. ἥκω, δέχου δὲ πρευμενῶς ἀλάστορα,
  3. οὐ προστρόπαιον οὐδ᾽ ἀφοίβαντον χέρα,
  4. ἀλλ᾽ ἀμβλὺν ἤδη προστετριμμένον[*](fortasse ἀμβλὺς ... προστετριμμένος Prien) τε πρὸς
  5. ἄλλοισιν οἴκοις καὶ πορεύμασιν[*](πορεύμασιν Porson: πορεύμασι codd.) βροτῶν.
  6. ὅμοια χέρσον καὶ θάλασσαν ἐκπερῶν,
  7. σῴζων ἐφετμὰς Λοξίου χρηστηρίους,
  8. πρόσειμι δῶμα καὶ βρέτας τὸ σόν, θεά.
  9. αὐτοῦ φυλάσσων ἀμμενῶ[*](ἀμμενῶ Dindorf: ἀναμένω codd.) τέλος δίκης.
Χορός
  1. εἶεν: τόδ᾽ ἐστὶ τἀνδρὸς ἐκφανὲς τέκμαρ.