Libation Bearers

Aeschylus

Aeschylus, Volume 2. Smyth, Herbert Weir, editor. London; New York: William Heinemann; G.P. Putnam's Sons, 1926.

  1. καὶ ζῶντα γάρ νιν κρείσσονʼ ἡγήσω πατρός·
  2. τούτῳ θανοῦσα ξυγκάθευδʼ, ἐπεὶ φιλεῖς
  3. τὸν ἄνδρα τοῦτον, ὃν δʼ ἐχρῆν φιλεῖν στυγεῖς.
Κλυταιμνήστρα
  1. ἐγώ σʼ ἔθρεψα, σὺν δὲ γηράναι θέλω.
Ὀρέστης
  1. πατροκτονοῦσα γὰρ ξυνοικήσεις ἐμοί;
Κλυταιμνήστρα
  1. ἡ Μοῖρα τούτων, ὦ τέκνον, παραιτία.
Ὀρέστης
  1. καὶ τόνδε τοίνυν Μοῖρʼ ἐπόρσυνεν μόρον.
Κλυταιμνήστρα
  1. οὐδὲν σεβίζῃ γενεθλίους ἀράς, τέκνον;
Ὀρέστης
  1. τεκοῦσα γάρ μʼ ἔρριψας ἐς τὸ δυστυχές.
Κλυταιμνήστρα
  1. οὔτοι σʼ ἀπέρριψʼ εἰς δόμους δορυξένους.
Ὀρέστης
  1. αἰκῶς ἐπράθην ὢν ἐλευθέρου πατρός.
Κλυταιμνήστρα
  1. ποῦ δῆθʼ ὁ τῖμος, ὅντινʼ ἀντεδεξάμην;
Ὀρέστης
  1. αἰσχύνομαί σοι τοῦτʼ ὀνειδίσαι σαφῶς.
Κλυταιμνήστρα
  1. μὴ ἀλλʼ εἴφʼ ὁμοίως καὶ πατρὸς τοῦ σοῦ μάτας.
Ὀρέστης
  1. μὴ ʼλεγχε τὸν πονοῦντʼ ἔσω καθημένη.
Κλυταιμνήστρα
  1. ἄλγος γυναιξὶν ἀνδρὸς εἴργεσθαι, τέκνον.
Ὀρέστης
  1. τρέφει δέ γʼ ἀνδρὸς μόχθος ἡμένας ἔσω.
Κλυταιμνήστρα
  1. κτενεῖν ἔοικας, ὦ τέκνον, τὴν μητέρα.