Libation Bearers

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. [καὶ τὸν νύχιον[*](καὶ τὸν νύχιον seclusit Hermann)] τοῖσδ᾽ ἐφοδεῦσαι
  2. ξιφοδηλήτοισιν ἀγῶσιν.
  1. ἔοικεν ἁνὴρ[*](ἁνὴρ Proson: ἀνὴρ M) ὁ ξένος τεύχειν κακόν:
  2. τροφὸν δ᾽ Ὀρέστου τήνδ᾽ ὁρῶ κεκλαυμένην.
  3. ποῖ δὴ πατεῖς, Κίλισσα, δωμάτων πύλας;
  4. λύπη δ᾽ ἄμισθός ἐστί σοι ξυνέμπορος;
Τροφος
  1. Αἴγισθον ἡ κρατοῦσα τοῖς ξένοις[*](τοῖς ξίνοις Pauw: τοὺς ξένους M) καλεῖν
  2. ὅπως τάχιστ᾽ ἄνωγεν, ὡς σαφέστερον
  3. ἀνὴρ ἀπ᾽ ἀνδρὸς τὴν νεάγγελτον φάτιν
  4. ἐλθὼν πύθηται τήνδε, πρὸς μὲν οἰκέτας
  5. †θέτο σκυθρωπῶν[*](θέτο σκυθρωπῶν] θέτο σκυθρωπὸν M: θετοσκυθρωπὸν Erfurdt: θετοσκυθρωπῶν Conington: θέτο σκυθρωπῶν Victorius: fort. sub θέτο latet adiect. cum γέλων constructus, vel adverb.) ἐντὸς ὀμμάτων γέλων
  6. κεύθουσ᾽ ἐπ᾽ ἔργοις διαπεπραγμένοις καλῶς
  7. κείνῃ,[*](κείνη M) δόμοις δὲ τοῖσδε παγκάκως ἔχειν,
  8. φήμης ὕφ᾽ ἧς ἤγγειλαν οἱ ξένοι τορῶς.
  9. ἦ δὴ κλύων ἐκεῖνος[*](ἐκεῖνος Robortello: ἐκεῖνον M) εὐφρανεῖ νόον,
  10. εὖτ᾽ ἂν πύθηται μῦθον. ὦ τάλαιν᾽ ἐγώ:
  11. ὥς μοι τὰ μὲν παλαιὰ συγκεκραμένα
  12. ἄλγη δύσοιστα τοῖσδ᾽ ἐν Ἀτρέως δόμοις
  13. τυχόντ᾽ ἐμὴν ἤλγυνεν ἐν στέρνοις φρένα.
  14. ἀλλ᾽ οὔτι πω τοιόνδε πῆμ᾽ ἠνεσχόμην.[*](ἠνεσχόμην Butler: ἀνεσχόμην M)