Libation Bearers

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ξένοι, λέγοιτ᾽ ἂν εἴ τι δεῖ: πάρεστι γὰρ
  2. ὁποῖάπερ δόμοισι τοῖσδ᾽ ἐπεικότα,
  3. καὶ θερμὰ λουτρὰ καὶ πόνων θελκτήριος[*](θελκτήριος Ludwig: θελκτήπια M)
  4. στρωμνή, δικαίων τ᾽ ὀμμάτων παρουσία.
  5. εἰ δ᾽ ἄλλο πρᾶξαι δεῖ τι βουλιώτερον,
  6. ἀνδρῶν τόδ᾽ ἐστὶν ἔργον, οἷς κοινώσομεν.
Ὀρέστης
  1. ξένος μέν εἰμι Δαυλιεὺς ἐκ Φωκέων:
  2. στείχοντα δ᾽ αὐτόφορτον οἰκείᾳ σαγῇ[*](οἰκείᾳ σαγῇ Turnebus: οἰκίαις ἄγη M)
  3. εἰς Ἄργος, ὥσπερ δεῦρ᾽ ἀπεζύγην πόδα,[*](πόδα Dindorf: πόδας M)
  4. ἀγνὼς πρὸς ἀγνῶτ᾽ εἶπε συμβαλὼν ἀνήρ,
  5. ἐξιστορήσας καὶ σαφηνίσας ὁδόν,
  6. Στροφίος ὁ Φωκεύς: πεύθομαι γὰρ ἐν λόγῳ:
  7. “ἐπείπερ ἄλλως, ὦ ξέν᾽, εἰς Ἄργος κίεις,
  8. πρὸς τοὺς τεκόντας πανδίκως μεμνημένος
  9. τεθνεῶτ᾽ Ὀρέστην εἰπέ, μηδαμῶς λάθῃ.
  10. εἴτ᾽ οὖν κομίζειν δόξα νικήσει φίλων,
  11. εἴτ᾽ οὖν μέτοικον, εἰς τὸ πᾶν ἀεὶ ξένον,
  12. θάπτειν, ἐφετμὰς τάσδε πόρθμευσον πάλιν.
  13. νῦν γὰρ λέβητος χαλκέου πλευρώματα
  14. σποδὸν κέκευθεν ἀνδρὸς εὖ κεκλαυμένου.”