Libation Bearers

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. Δίκας δ᾽ ἐρείδεται πυθμήν:
  2. προχαλκεύει[*](προχαλκεύει Jacob: προσχαλκεύει M) δ᾽ Αἶσα φασγανουργός:
  3. τέκνον δ᾽ ἐπεισφέρει δόμοισιν[*](δόμοισιν Hermann: διμασε M)
  4. αἱμάτων[*](αἱμάτων e schol. Stephanus: δωμάτων M) παλαιτέρων τίνειν[*](τίνειν Lachmann: τείνει M) μύσος
  5. χρόνῳ κλυτὰ βυσσόφρων Ἐρινύς.
Ὀρέστης
  1. παῖ παῖ, θύρας ἄκουσον ἑρκείας κτύπον.
  2. τίς ἔνδον, ὦ παῖ, παῖ, μάλ᾽ αὖθις, ἐν δόμοις;
  3. τρίτον τόδ᾽ ἐκπέραμα δωμάτων καλῶ,
  4. εἴπερ φιλόξεν᾽ ἐστὶν Αἰγίσθου διαί.[*](φιλόξενός τις Αἰγίσθου βία Elmsley)
Οἰκέτης
  1. εἶεν, ἀκούω: ποδαπὸς ὁ ξένος; πόθεν;
Ὀρέστης
  1. ἄγγελλε τοῖσι κυρίοισι δωμάτων,
  2. πρὸς οὕσπερ ἥκω καὶ φέρω καινοὺς λόγους.
  3. τάχυνε δ᾽, ὡς καὶ νυκτὸς ἅρμ᾽ ἐπείγεται
  4. σκοτεινόν, ὥρα[*](ὥρα Robortello: ὧρα M: ὥραι m) δ᾽ ἐμπόρους καθιέναι
  5. ἄγκυραν ἐν δόμοισι πανδόκοις ξένων.
  6. ἐξελθέτω τις δωμάτων τελεσφόρος
  7. γυνὴ τόπαρχος,[*](τόπαρχος G: ταπαρχος (ό supra α scr. m) M) ἄνδρα δ᾽[*](τ᾽ M) εὐπρεπέστερον:
  8. αἰδὼς γὰρ ἐν λεχθεῖσιν οὐκ ἐπαργέμους
  9. λόγους τίθησιν: εἶπε θαρσήσας ἀνὴρ
  10. πρὸς ἄνδρα κἀσήμηνεν ἐμφανὲς τέκμαρ.