Libation Bearers

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. καὶ μὴ ᾽ξαλείψῃς σπέρμα Πελοπιδῶν τόδε.
  2. οὕτω γὰρ οὐ τέθνηκας οὐδὲ περ θανών:
  3. παῖδες γὰρ ἀνδρὶ κληδόνες σωτήριοι
  4. θανόντι: φελλοὶ δ᾽ ὣς ἄγουσι δίκτυον,
  5. τὸν ἐκ βυθοῦ κλωστῆρα σῴζοντες λίνου.[*](λίνου M: λίνον m)
  6. ἄκου᾽, ὑπὲρ σοῦ τοιάδ᾽ ἔστ᾽ ὀδύρματα.
  7. αὐτὸς δὲ σῴζῃ τόνδε τιμήσας λόγον.
Χορός
  1. καὶ μὴν ἀμεμφῆ τόνδ᾽[*](ἀμεμφῆ τόνδ᾽ Canter, ἐτείνατον Hermann, ἐτεινάτην Blomfield: ἀμόμφητον δέ τινα τὸν M) ἐτείνατον λόγον,
  2. τίμημα τύμβου τῆς ἀνοιμώκτου τύχης.
  3. τὰ δ᾽ ἄλλ᾽, ἐπειδὴ δρᾶν κατώρθωσαι φρενί,
  4. ἔρδοις ἂν ἤδη δαίμονος πειρώμενος.
Ὀρέστης
  1. ἔσται: πυθέσθαι δ᾽ οὐδέν ἐστ᾽ ἔξω δρόμου,
  2. πόθεν χοὰς ἔπεμψεν, ἐκ τίνος λόγου
  3. μεθύστερον[*](μεθύστερον Victorius: μεθ᾽ ὕστερον M) τιμῶσ᾽ ἀνήκεστον πάθος;
  4. θανόντι[*](θανόντι Pauw: θανοῦντι M) δ᾽ οὐ φρονοῦντι δειλαία χάρις
  5. ἐπέμπετ᾽: οὐκ ἔχοιμ᾽ ἂν εἰκάσαι τόδε:[*](τάδε ex τόδε factum M)
  6. τὰ δῶρα μείω[*](μείω Turnebus: μέσω M) δ᾽ ἐστὶ τῆς ἁμαρτίας.
  7. τὰ πάντα γάρ τις ἐκχέας ἀνθ᾽ αἵματος
  8. ἑνός, μάτην ὁ μόχθος: ὧδ᾽ ἔχει λόγος.
  9. θέλοντι δ᾽, εἴπερ οἶσθ᾽, ἐμοὶ φράσον τάδε.