Libation Bearers

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ἄφερτον[*](ἄφερτον Robortello: ἄφερκτον M) αἰῶνι σῷ.
  2. κλύεις[*](κλύεις turnebus: κλύει M) πατρῴους δύας ἀτίμους.[*](δύας ἀτίμους Stanley: δυσατίμους M)
Ἠλέκτρα
  1. λέγεις πατρῷον μόρον: ἐγὼ δ᾽ ἀπεστάτουν
  2. ἄτιμος, οὐδὲν ἀξία.
  3. μυχῷ[*](μυχῷStanley: μυχοῦ M) δ᾽ ἄφερκτος πολυσινοῦς κυνὸς δίκαν
  4. ἑτοιμότερα γέλωτος ἀνέφερον λίβη,
  5. χέουσα[*](χέουσα Dobree: χαίρουσα (αι in rasura) M) πολύδακρυν γόον κεκρυμμένα.
  6. τοιαῦτ᾽ ἀκούων ἐν φρεσὶν γράφου, <πάτερ.[*](πάτερ scripsi: iambus deest in fine v. M)>
Χορός
  1. δι᾽ ὤτων δὲ συν-
  2. τέτραινε μῦθον ἡσύχῳ φρενῶν[*](φρενῶν Turnebus: φρονῶν M) βάσει.
  3. τὰ μὲν γὰρ οὕτως ἔχει,
  4. τὰ δ᾽ αὐτὸς ὄργα[*](ὄργα Scaliger: ὀργᾷ M) μαθεῖν.
  5. πρέπει δ᾽ ἀκάμπτῳ μένει καθήκειν.
Ὀρέστης
  1. σὲ τοι λέγω, ξυγγενοῦ, πάτερ, φίλοις.[*](φίλοις Porson: φίλοισι M)
Ἠλέκτρα
  1. ἐγὼ δ᾽ ἐπιφθέγγομαι κεκλαυμένα.
Χορός
  1. στάσις δὲ πάγκοινος ἅδ᾽ ἐπιρροθεῖ:
  2. ἄκουσον ἐς φάος μολών,
  3. ξὺν δὲ γενοῦ πρὸς ἐχθρούς.
Ὀρέστης
  1. Ἄρης Ἄρει ξυμβαλεῖ,[*](ξυμβαλεῖ Pauw: ξυμβάλλει M) Δίκᾳ Δίκα.
Ἠλέκτρα
  1. ἰὼ θεοί, κραίνετ᾽ ἐνδίκως <δίκας[*](δίκας add. Hermann)>.