Libation Bearers

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. οὐχ ἧσσον εὐδάκρυτά μοι λέγεις τάδε,
  2. εἰ τῆσδε χώρας μήποτε ψαύσει ποδί.
Ἠλέκτρα
  1. κἀμοὶ προσέστη καρδίας κλυδώνιον
  2. χολῆς, ἐπαίσθην[*](ἐπαίσθην Canter: ἐπαίθην M) δ᾽ ὡς διανταίῳ βέλει:
  3. ἐξ ὀμμάτων δὲ δίψιοι πίπτουσί μοι
  4. σταγόνες ἄφρακτοι δυσχίμου πλημμυρίδος,
  5. πλόκαμον ἰδούσῃ τόνδε: πῶς γὰρ ἐλπίσω
  6. ἀστῶν τιν᾽ ἄλλον τῆσδε δεσπόζειν φόβης;
  7. ἀλλ᾽ οὐδὲ μήν νιν ἡ κτανοῦσ᾽ ἐκείρατο,
  8. ἐμὴ δὲ μήτηρ, οὐδαμῶς ἐπώνυμον
  9. φρόνημα παισὶ δύσθεον πεπαμένη.
  10. ἐγὼ δ᾽ ὅπως μὲν ἄντικρυς τάδ᾽ αἰνέσω,
  11. εἶναι τόδ᾽ ἀγλάισμά μοι τοῦ φιλτάτου
  12. βροτῶν Ὀρέστου—σαίνομαι[*](σαίνομαι] σαι alia manu scr. M) δ᾽ ὑπ᾽ ἐλπίδος.
  13. φεῦ.
  14. εἴθ᾽ εἶχε φωνὴν εὔφρον᾽ ἀγγέλου δίκην,
  15. ὅπως δίφροντις οὖσα μὴ ᾽κινυσσόμην,[*](μὴ᾽ κινυσσόμην Turnebus: μὴκηννυσσομην M)
  16. ἀλλ᾽ εὖ ᾽σαφήνει[*](᾽σ᾽αφήνει Paley: σαφηνῆ M) τόνδ᾽ ἀποπτύσαι πλόκον,
  17. εἴπερ γ᾽ ἀπ᾽ ἐχθροῦ κρατὸς ἦν τετμημένος,
  18. ἢ ξυγγενὴς ὢν εἶχε συμπενθεῖν ἐμοὶ
  19. ἄγαλμα τύμβου τοῦδε καὶ τιμὴν πατρός.