Libation Bearers

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. πράξαντι μὲν ταῦτ᾽ ἐκτὸς αἰτίας κακῆς
  2. εἶναι, παρέντα δ᾽—οὐκ ἐρῶ τὴν ζημίαν:
  3. τόξῳ γὰρ οὔτις πημάτων προσίξεται.
  4. καὶ νῦν ὁρᾶτέ μ᾽, ὡς παρεσκευασμένος
  5. ξὺν τῷδε θαλλῷ καὶ στέφει προσίξομαι
  6. μεσόμφαλόν θ᾽ ἵδρυμα, Λοξίου πέδον,
  7. πυρός τε φέγγος ἄφθιτον κεκλημένον,
  8. φεύγων τόδ᾽ αἷμα κοινόν: οὐδ᾽ ἐφ᾽ ἑστίαν[*](ἐφ᾽ ἑστίαν Turnebus: ἐφέστιον M)[*](Post 1039 legitur in codd. 1041: transposuit Blomfield)
  9. ἄλλην τραπέσθαι Λοξίας ἐφίετο.
  10. καὶ μαρτυρεῖν μὲν ὡς[*](μὲν ὡς Blomfield: μοι μενέλεως M) ἐπορσύνθη κακὰ
  11. τάδ᾽ ἐν χρόνῳ μοι πάντας Ἀργείους λέγω:
  12. φεύγω[*](φεύγω Weil: ἐγὼ M) δ᾽ ἀλήτης τῆσδε γῆς ἀπόξενος,
  13. ζῶν καὶ τεθνηκὼς τάσδε κληδόνας λιπών.
Χορός
  1. ἀλλ᾽ εὖ γ᾽ ἔπραξας,[*](γ᾽ ἔπραξας Tyrwhitt: τε πράξας M) μηδ᾽ ἐπιζευχθῇς[*](ἐπιζευχθῇς Heath: ἐπιζεύχθη M) στόμα
  2. φήμῃ πονηρᾷ[*](φήμῃ πονηρᾷ Auratus: φῆμαι πονηραὶ M) μηδ᾽ ἐπιγλωσσῶ κακά,[*](κακά: ἠλευθέρωσας Blomfield)
  3. ἐλευθερώσας πᾶσαν Ἀργείων[*](Ἀργείων Porson: ἀργείην M) πόλιν,
  4. δυοῖν δρακόντοιν εὐπετῶς τεμὼν κάρα.
Ὀρέστης
  1. ἆ, ἆ. δμωαὶ γυναῖκες αἵδε Γοργόνων δίκην
  2. φαιοχίτωνες καὶ πεπλεκτανημέναι
  3. πυκνοῖς δράκουσιν: οὐκέτ᾽ ἂν μείναιμ᾽[*](οὐκέτ᾽ ἂν μείναιμ᾽ Tzetzes: οὐκ ἔτ᾽ ἀμμείνοιμ᾽ M) ἐγώ.