Libation Bearers

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. τίνες σὲ δόξαι, φίλτατ᾽ ἀνθρώπων πατρί,
  2. στροβοῦσιν; ἴσχε, μὴ φόβου νικῶ[*](φόβου νικῶ Porson: φοβοῦ νικῶν M) πολύ.
Ὀρέστης
  1. οὐκ εἰσὶ δόξαι τῶνδε πημάτων ἐμοί:
  2. σαφῶς[*](σαφεῖς Wecklein) γὰρ αἵδε μητρὸς ἔγκοτοι κύνες.
Χορός
  1. ποταίνιον γὰρ αἷμά σοι χεροῖν ἔτι:
  2. ἐκ τῶνδέ τοι ταραγμὸς ἐς φρένας πίτνει.
Ὀρέστης
  1. ἄναξ Ἄπολλον, αἵδε πληθύουσι[*](πληθύουσι Turnebus: πληθύουσαι M) δή,
  2. κἀξ ὀμμάτων στάζουσιν αἷμα δυσφιλές.
Χορός
  1. εἷς σοὶ[*](εἷς σοὶ Erfurdt: εἰσω mutatum in εἰσσ᾽ ὁ M) καθαρμός: Λοξίας[*](Λοξίας Auratus: λοξίου M) δὲ προσθιγὼν
  2. ἐλεύθερόν σε τῶνδε πημάτων κτίσει.
Ὀρέστης
  1. ὑμεῖς μὲν οὐχ ὁρᾶτε τάσδ᾽, ἐγὼ δ᾽ ὁρῶ:
  2. ἐλαύνομαι δὲ κοὐκέτ᾽ ἂν μείναιμ᾽[*](κοὐκέτ᾽ ἂν μείναιμ᾽ Robortello: κοὐκ ἔτ᾽ ἀμμείναιμ᾽ M) ἐγώ.
Χορός
  1. ἀλλ᾽ εὐτυχοίης, καί σ᾽ ἐποπτεύων πρόφρων
  2. θεὸς φυλάσσοι καιρίοισι συμφοραῖς.
Χορός
  1. ὅδε τοι μελάθροις τοῖς βασιλείοις
  2. τρίτος αὖ χειμὼν
  3. πνεύσας[*](πνεύσας Scaliger: πνεούσας M: πνοιᾶς φονίας Hartung) γονίας ἐτελέσθη.
  4. παιδοβόροι[*](παιδοβόροι Auratus: παιδόμοροι M) μὲν πρῶτον ὑπῆρξαν
  5. μόχθοι τάλανές [τε Θυέστου[*](τε θυέστου seclusit Hermann)]:
  6. δεύτερον ἀνδρὸς βασίλεια πάθη: