Agamemnon

Aeschylus

Aeschylus, Volume 2. Smyth, Herbert Weir, editor. London; New York: William Heinemann; G.P. Putnam's Sons, 1926.

  1. Στρόφιος ὁ Φωκεύς, ἀμφίλεκτα πήματα
  2. ἐμοὶ προφωνῶν, τόν θʼ ὑπʼ Ἰλίῳ σέθεν
  3. κίνδυνον, εἴ τε δημόθρους ἀναρχία
  4. βουλὴν καταρρίψειεν, ὥστε σύγγονον
  5. βροτοῖσι τὸν πεσόντα λακτίσαι πλέον.
  6. τοιάδε μέντοι σκῆψις οὐ δόλον φέρει.
Κλυταιμήστρα
  1. ἔμοιγε μὲν δὴ κλαυμάτων ἐπίσσυτοι
  2. πηγαὶ κατεσβήκασιν, οὐδʼ ἔνι σταγών.
  3. ἐν ὀψικοίτοις δʼ ὄμμασιν βλάβας ἔχω
  4. τὰς ἀμφί σοι κλαίουσα λαμπτηρουχίας
  5. ἀτημελήτους αἰέν. ἐν δʼ ὀνείρασιν
  6. λεπταῖς ὑπαὶ κώνωπος ἐξηγειρόμην
  7. ῥιπαῖσι θωύσσοντος, ἀμφί σοι πάθη
  8. ὁρῶσα πλείω τοῦ ξυνεύδοντος χρόνου.
  9. νῦν ταῦτα πάντα τλᾶσʼ ἀπενθήτῳ φρενὶ
  10. λέγοιμʼ ἂν ἄνδρα τόνδε τῶν σταθμῶν κύνα,
  11. σωτῆρα ναὸς πρότονον, ὑψηλῆς στέγης
  12. στῦλον ποδήρη, μονογενὲς τέκνον πατρί,
  13. καὶ γῆν φανεῖσαν ναυτίλοις παρʼ ἐλπίδα,
  14. κάλλιστον ἦμαρ εἰσιδεῖν ἐκ χείματος,