Agamemnon

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. δέρης ἀποιμώζουσι φιλτάτων μόρον:
  2. τοὺς δ᾽ αὖτε νυκτίπλαγκτος ἐκ μάχης πόνος
  3. νήστεις[*](νήστεις Fa: νῆστις Fl) πρὸς ἀρίστοισιν ὧν ἔχει πόλις
  4. τάσσει, πρὸς οὐδὲν ἐν μέρει τεκμήριον,
  5. ἀλλ᾽ ὡς ἕκαστος ἔσπασεν τύχης πάλον.
  6. ἐν <δ᾽>[*](δ᾽ add. Pauw) αἰχμαλώτοις Τρωικοῖς οἰκήμασιν
  7. ναίουσιν ἤδη, τῶν ὑπαιθρίων πάγων
  8. δρόσων τ᾽ ἀπαλλαγέντες, ὡς δ᾽ εὐδαίμονες[*](δ᾽ εὐδαίμονες Stanley: δυσδαίμονες codd.)
  9. ἀφύλακτον εὑδήσουσι πᾶσαν εὐφρόνην.
  10. εἰ δ᾽ εὖ σέβουσι[*](εὖ σέβουσι Scaliger: εὐσεβοῦσι codd.) τοὺς πολισσούχους θεοὺς
  11. τοὺς τῆς ἁλούσης γῆς θεῶν θ᾽ ἱδρύματα,
  12. οὔ τἂν ἑλόντες[*](οὔ τἂν ἑλόντες Hermann: οὐκ ἀνελόντες B: οὐκ ἄν γ᾽ ἑλόντες Fl Fa) αὖθις ἀνθαλοῖεν[*](ἀνθαλοῖεν Auratus: ἂν θάνοιεν B: αὖ θάνοιεν Fl Fa) ἄν.
  13. ἔρως δὲ μή τις πρότερον ἐμπίπτῃ[*](ἐμπίπτῃ] ἐμπίπτει B: ἐμπίπτοι Fa: ἐμπίπτη mutatum in ἐμπίπτοι Fl) στρατῷ
  14. πορθεῖν ἃ μὴ χρή, κέρδεσιν νικωμένους.
  15. δεῖ γὰρ πρὸς οἴκους νοστίμου σωτηρίας
  16. κάμψαι διαύλου θάτερον κῶλον πάλιν:
  17. θεοῖς δ᾽ ἀναμπλάκητος εἰ μόλοι στρατός,
  18. ἐγρηγορὸς[*](ἐγρηγορὸς Porson: ἐγρήγορον codd.) τὸ πῆμα τῶν ὀλωλότων
  19. γένοιτ᾽ ἄν, εἰ πρόσπαια μὴ τύχοι κακά.
  20. τοιαῦτά τοι γυναικὸς ἐξ ἐμοῦ κλύεις: