Agamemnon

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. Ἀραχναῖον αἶπος, ἀστυγείτονας σκοπάς:
  2. κἄπειτ᾽ Ἀτρειδῶν ἐς τόδε σκήπτει στέγος
  3. φάος τόδ᾽ οὐκ ἄπαππον Ἰδαίου πυρός.
  4. τοιοίδε τοί μοι[*](τοιοίδε τοί μοι Schütz: τοιοίδ᾽ ἕτοιμοι B Fa) λαμπαδηφόρων νόμοι,[*](Versus 312–1067 e Med. cod. exciderunt: 312–348 testantur B Fl Fa, 349–1067 soli Fl Fa)
  5. ἄλλος παρ᾽ ἄλλου διαδοχαῖς πληρούμενοι:
  6. νικᾷ δ᾽ ὁ πρῶτος καὶ τελευταῖος δραμών.
  7. τέκμαρ τοιοῦτο σύμβολόν τε σοὶ λέγω
  8. ἀνδρὸς παραγγείλαντος ἐκ Τροίας ἐμοί.
Χο.
  1. θεοῖς μὲν αὖθις, ὦ γύναι, προσεύξομαι.
  2. λόγους δ᾽ ἀκοῦσαι τούσδε κἀποθαυμάσαι
  3. διηνεκῶς θέλοιμ᾽ ἂν ὡς λέγοις[*](λέγοις Fa Fl: λέγεις B) πάλιν.
Κλ.
  1. Τροίαν Ἀχαιοὶ τῇδ᾽ ἔχουσ᾽ ἐν ἡμέρᾳ.
  2. οἶμαι βοὴν ἄμεικτον ἐν πόλει πρέπειν.
  3. ὄξος τ᾽ ἄλειφά τ᾽ ἐγχέας[*](ἐγχέας Canter: ἐκχέας codd.) ταὐτῷ κύτει
  4. διχοστατοῦντ᾽ ἄν οὐ φίλως προσεννέποις.
  5. καὶ τῶν ἁλόντων καὶ κρατησάντων δίχα
  6. φθογγὰς ἀκούειν ἔστι συμφορᾶς διπλῆς.
  7. οἱ μὲν γὰρ ἀμφὶ σώμασιν πεπτωκότες
  8. ἀνδρῶν κασιγνήτων τε καὶ φυταλμίων
  9. παῖδες γερόντων οὐκέτ᾽ ἐξ ἐλευθέρου