Agamemnon

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. σέλας παραγγείλασα Μακίστου σκοπαῖς:[*](σκοπαῖς Turnebus: σκοπάς codd.)
  2. ὁ δ᾽ οὔτι μέλλων οὐδ᾽ ἀφρασμόνως ὕπνῳ
  3. νικώμενος παρῆκεν ἀγγέλου μέρος:
  4. ἑκὰς δὲ φρυκτοῦ φῶς ἐπ᾽ Εὐρίπου ῥοὰς
  5. Μεσσαπίου φύλαξι σημαίνει μολόν.
  6. οἱ δ᾽ ἀντέλαμψαν καὶ παρήγγειλαν πρόσω
  7. γραίας ἐρείκης θωμὸν ἅψαντες πυρί.
  8. σθένουσα λαμπὰς δ᾽ οὐδέπω μαυρουμένη,
  9. ὑπερθοροῦσα πεδίον Ἀσωποῦ,[*](πεδίον Ἀσωποῦ recc.: παιδίον ὠποῦ M) δίκην
  10. φαιδρᾶς σελήνης, πρὸς Κιθαιρῶνος λέπας
  11. ἤγειρεν ἄλλην ἐκδοχὴν πομποῦ πυρός.
  12. φάος δὲ τηλέπομπον οὐκ ἠναίνετο
  13. φρουρὰ προσαιθρίζουσα πόμπιμον φλόγα,[*](προσαιθρίζουσα πόμπιμον φλόγα ex Hesychio huc rettulit Dindorf: πλέον καίουσα τῶν εἰρημένων inete codd.)
  14. λίμνην δ᾽ ὑπὲρ Γοργῶπιν ἔσκηψεν φάος:
  15. ὄρος τ᾽ ἐπ᾽ Αἰγίπλαγκτον ἐξικνούμενον
  16. ὤτρυνε θεσμὸν μηχανήσασθαι[*](μηχανήσασθαι Margoliouth; μὴ χαρίζεσθαι codd.) πυρός.
  17. πέμπουσι δ᾽ ἀνδαίοντες ἀφθόνῳ μένει
  18. φλογὸς μέγαν πώγωνα, καὶ Σαρωνικοῦ
  19. πορθμοῦ κάτοπτον[*](κάτοπτον Canter: κάτοπτρον codd.) πρῶν᾽ ὑπερβάλλειν πρόσω
  20. φλέγουσαν, ἔστ᾽ ἔσκηψεν, εὖτ᾽[*](ἔστ᾽ . . . εὖτ᾽ Hermann: εἶτ᾽ . . . εἶτ᾽ codd.) ἀφίκετο