Agamemnon

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. θηρῶν ὀβρικάλοισι τερπνά,
  2. τούτων αἴνει[*](αἴνει Gilbert: αἰτεῖ codd.) ξύμβολα κρᾶναι,
  3. δεξιὰ μέν, κατάμομφα δὲ φάσματα [στρουθῶν].[*](στρουθῶν codd. corruptum: ἀνορθοῦν coni. Wecklein)
  4. ἰήιον δὲ καλέω Παιᾶνα,
  5. μή τινας ἀντιπνόους
  6. Δαναοῖς χρονίας ἐχενῇδας
  7. ἀπλοίας τεύξῃ,
  8. σπευδομένα θυσίαν ἑτέραν ἄνομόν τιν᾽, ἄδαιτον
  9. νεικέων τέκτονα σύμφυτον,
  10. οὐ δεισήνορα. μίμνει γὰρ φοβερὰ παλίνορτος
  11. οἰκονόμος δολία μνάμων μῆνις τεκνόποινος.
  12. τοιάδε Κάλχας ξὺν μεγάλοις ἀγαθοῖς ἀπέκλαγξεν[*](ἀπέκλαγξεν recc.: ἀπέκλαιξεν M)
  13. μόρσιμ᾽ ἀπ᾽ ὀρνίθων ὁδίων οἴκοις βασιλείοις:
  14. τοῖς δ᾽ ὁμόφωνον
  15. αἴλινον αἴλινον εἰπέ, τὸ δ᾽ εὖ νικάτω.
Χορός
  1. Ζεύς, ὅστις ποτ᾽ ἐστίν, εἰ τόδ᾽ αὐ-
  2. τῷ φίλον κεκλημένῳ,
  3. τοῦτό νιν προσεννέπω.
  4. οὐκ ἔχω προσεικάσαι
  5. πάντ᾽ ἐπισταθμώμενος