Agamemnon

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. 12. σάφ᾽ εἰδότας χρὴ τῶνδε θυμοῦσθαι[*](θυμοῦσθαι E. A. I. Ahrens: μυθοῦσθαι codd.) πέρι:
  2. τὸ γὰρ τοπάζειν τοῦ σάφ᾽ εἰδέναι δίχα.
Χορός
  1. ταύτην ἐπαινεῖν πάντοθεν πληθύνομαι,
  2. τρανῶς Ἀτρείδην εἰδέναι κυροῦνθ᾽ ὅπως.
Κλυταιμήστρα
  1. πολλῶν πάροιθεν καιρίως εἰρημένων
  2. τἀναντί᾽ εἰπεῖν οὐκ ἐπαισχυνθήσομαι.
  3. πῶς γάρ τις ἐχθροῖς ἐχθρὰ πορσύνων, φίλοις
  4. δοκοῦσιν εἶναι, πημονῆς[*](πημονῆς Auratus: πημονὴν codd. ἀρκύστατ᾽ ἂν Elmsley: ἀρκύστατον codd.) ἀρκύστατ᾽ ἂν
  5. φράξειεν, ὕψος κρεῖσσον ἐκπηδήματος;
  6. ἐμοὶ δ᾽ ἀγὼν ὅδ᾽ οὐκ ἀφρόντιστος πάλαι
  7. νείκης[*](νείκης Heath: νίκης codd.) παλαιᾶς ἦλθε, σὺν χρόνῳ γε μήν:
  8. ἕστηκα δ᾽ ἔνθ᾽ ἔπαισ᾽ ἐπ᾽ ἐξειργασμένοις.
  9. οὕτω δ᾽ ἔπραξα, καὶ τάδ᾽ οὐκ ἀρνήσομαι:
  10. ὡς μήτε φεύγειν μήτ᾽ ἀμύνεσθαι μόρον,
  11. ἄπειρον ἀμφίβληστρον, ὥσπερ ἰχθύων,
  12. περιστιχίζω,[*](περιστιχίζω Fa: περιστιχίζων V: περιστοιχίζων Fl) πλοῦτον εἵματος κακόν.
  13. παίω δέ νιν δίς: κἀν δυοῖν οἰμωγμάτοιν[*](οἰμωγμάτοιν Elmsley: οἰμώγμασιν codd.)
  14. μεθῆκεν αὐτοῦ κῶλα: καὶ πεπτωκότι
  15. τρίτην ἐπενδίδωμι, τοῦ κατὰ χθονὸς
  16. Ἅιδου[*](Ἅιδου] Διὸς Enger) νεκρῶν σωτῆρος εὐκταίαν χάριν.