Agamemnon

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. σκιᾷ[*](σκιᾷ Wieseler: σκιά codd.) τις ἂν[*](ἂν Porson, πρέψειεν Boissonade: ἀντρέψειεν codd.) πρέψειεν: εἰ δὲ δυστυχῇ,[*](δυστυχῆ codd.)
  2. βολαῖς ὑγρώσσων σπόγγος ὤλεσεν γραφήν.
  3. καὶ ταῦτ᾽ ἐκείνων μᾶλλον οἰκτείρω πολύ.
Χορός
  1. τὸ μὲν εὖ πράσσειν ἀκόρεστον ἔφυ
  2. πᾶσι βροτοῖσιν:[*](βροτοῖσιν Pauw: βροτοῖς codd.) δακτυλοδείκτων δ᾽
  3. οὔτις ἀπειπὼν εἴργει μελάθρων,
  4. μηκέτ᾽ ἐσέλθῃς,[*](μηκέτ᾽ ἐσέλθῃς Hermann: μηκέτι δ᾽ εἰσέλθῃς codd.) τάδε φωνῶν.
  5. καὶ τῷδε πόλιν μὲν ἑλεῖν ἔδοσαν
  6. μάκαρες Πριάμου:
  7. θεοτίμητος δ᾽ οἴκαδ᾽ ἱκάνει.
  8. νῦν δ᾽ εἰ προτέρων αἷμ᾽ ἀποτίσῃ[*](ἀποτίσει codd.: scripsi ἀποτίσῃ)
  9. καὶ τοῖσι θανοῦσι θανὼν ἄλλων
  10. ποινὰς θανάτων ἐπικράνῃ,[*](ἐπικρανεῖ codd.: scripsi ἐπικράνῃ)
  11. τίς ἂν εὔξαιτο βροτὸς ὢν[*](βροτὸς ὢν Bothe: βροτῶν codd.) ἀσινεῖ
  12. δαίμονι φῦναι τάδ᾽ ἀκούων;
Ἀγαμέμνων
  1. ὤμοι, πέπληγμαι καιρίαν πληγὴν ἔσω.
Χορός
  1. σῖγα: τίς πληγὴν ἀυτεῖ καιρίως οὐτασμένος;
Ἀγαμέμνων
  1. ὤμοι μάλ᾽ αὖθις, δευτέραν πεπληγμένος.
Χορός
  1. 1. τοὔργον εἰργάσθαι δοκεῖ μοι βασιλέως οἰμώγματι.[*](inter choreutas ita distribuendi ut duo vv. quisque recitet)
  2. ἀλλὰ κοινωσώμεθ᾽ ἤν[*](ἤν Weil: ἄν codd.) πως ἀσφαλῆ βουλεύματ᾽ <ᾖ>.[*](ᾖ add. Enger: βουλεύματα codd.)—