Agamemnon

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. οὐκ οἶδεν οἵα[*](οἵα Herwerden: οἷα codd.) γλῶσσα μισητῆς κυνὸς
  2. λείξασα[*](λείξασα Tyrwhitt, κἀκτείνασα Canter, φαιδρὸν οὖς H. L. Ahrens: λέξασα καὶ κτείνασα φαιδρόνους codd.) κἀκτείνασα φαιδρὸν οὖς, δίκην
  3. ἄτης λαθραίου, †τεύξεται[*](fort. δήξεται Madvig) κακῇ τύχῃ.
  4. τοιᾷδε τόλμῃ[*](τοιᾷδε τόλμῃ Karsten: τοιάδε τολμᾶ Fl V) θῆλυς ἄρσενος φονεὺς
  5. ἔστιν. τί νιν καλοῦσα δυσφιλὲς δάκος
  6. τύχοιμ᾽ ἄν; ἀμφίσβαιναν, ἢ Σκύλλαν τινὰ
  7. οἰκοῦσαν ἐν πέτραισι, ναυτίλων βλάβην,
  8. θύουσαν Ἅιδου μητέρ᾽ ἄσπονδόν τ᾽ Ἄρη[*](Ἄρη Porson: ἀρὰν codd.)
  9. φίλοις πνέουσαν; ὡς δ᾽ ἐπωλολύξατο
  10. ἡ παντότολμος, ὥσπερ ἐν μάχης τροπῇ.
  11. δοκεῖ δὲ χαίρειν νοστίμῳ σωτηρίᾳ.
  12. καὶ τῶνδ᾽ ὅμοιον εἴ τι μὴ πείθω: τί γάρ;
  13. τὸ μέλλον ἥξει. καὶ σύ μ᾽ ἐν[*](μ᾽ ἐν Auratus: μὴν codd.) τάχει παρὼν
  14. ἄγαν γ᾽ ἀληθόμαντιν οἰκτείρας ἐρεῖς.
Χορός
  1. τὴν μὲν Θυέστου δαῖτα παιδείων[*](παιδείων Schütz: παιδίων codd.) κρεῶν
  2. ξυνῆκα καὶ πέφρικα, καὶ φόβος μ᾽ ἔχει
  3. κλύοντ᾽ ἀληθῶς οὐδὲν ἐξῃκασμένα.
  4. τὰ δ᾽ ἄλλ᾽ ἀκούσας ἐκ δρόμου πεσὼν τρέχω.
Κασάνδρα
  1. Ἀγαμέμνονός σέ φημ᾽ ἐπόψεσθαι μόρον.
Χορός
  1. εὔφημον, ὦ τάλαινα, κοίμησον στόμα.