Agamemnon

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. καὶ μὴν πεπωκώς γ᾽, ὡς θρασύνεσθαι πλέον,
  2. βρότειον αἷμα κῶμος ἐν δόμοις μένει,
  3. δύσπεμπτος ἔξω, συγγόνων Ἐρινύων.
  4. ὑμνοῦσι δ᾽ ὕμνον δώμασιν προσήμεναι
  5. πρώταρχον[*](πρώταρχον Fa: πρώταρχος Fl V) ἄτην: ἐν μέρει δ᾽ ἀπέπτυσαν
  6. εὐνὰς ἀδελφοῦ τῷ πατοῦντι δυσμενεῖς.
  7. ἥμαρτον, ἢ θηρῶ[*](θηρῶ Canter: τηρῶ codd.: κυρῶ H. L. Ahrens) τι τοξότης τις ὥς;
  8. ἢ ψευδόμαντίς εἰμι θυροκόπος φλέδων;
  9. ἐκμαρτύρησον προυμόσας τό μ᾽ εἰδέναι
  10. λόγῳ παλαιὰς τῶνδ᾽ ἁμαρτίας δόμων.
Χορός
  1. καὶ πῶς ἂν ὅρκος, πῆγμα[*](πῆγμα Auratus: πῆμα codd.) γενναίως παγέν,
  2. παιώνιος[*](παιώνιος Fa: παιώνιον Fl V) γένοιτο; θαυμάζω δέ σε[*](fort. ὅρκου πῆγμα ... παιώνιον Auratus)[*](σε Auratus: σου codd.)
  3. πόντου πέραν τραφεῖσαν ἀλλόθρουν πόλιν
  4. κυρεῖν λέγουσαν, ὥσπερ εἰ παρεστάτεις.
Κασάνδρα
  1. μάντις μ᾽ Ἀπόλλων τῷδ᾽ ἐπέστησεν τέλει.
Χορός
  1. μῶν καὶ θεός περ ἱμέρῳ πεπληγμένος;[*](in codd. post 1204: correxit Hermann)
Κασάνδρα
  1. προτοῦ μὲν αἰδὼς ἦν ἐμοὶ λέγειν τάδε.
Χορός
  1. ἁβρύνεται γὰρ πᾶς τις εὖ πράσσων πλέον.
Κασάνδρα
  1. ἀλλ᾽ ἦν παλαιστὴς κάρτ᾽ ἐμοὶ πνέων χάριν.
Χορός
  1. ἦ καὶ τέκνων εἰς ἔργον ἠλθέτην[*](ἠλθέτην Elmsley: ἤλθετον codd.) νόμῳ;