Agamemnon

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. οὐ μὴν πλέω ῥίψασ᾽ ἀτιμασθήσομαι.[*](testatur M)
Χορός
  1. ἐγὼ δ᾽, ἐποικτίρω γάρ, οὐ θυμώσομαι.
  2. ἴθ᾽, ὦ τάλαινα, τόνδ᾽ ἐρημώσασ᾽ ὄχον,
  3. εἴκουσ᾽[*](εἴκουσ᾽ Robortello: ἑκοῦσ᾽ codd.) ἀνάγκῃ τῇδε καίνισον ζυγόν.
Κασάνδρα
  1. ὀτοτοτοτοῖ πόποι δᾶ.
  2. ὦπολλον ὦπολλον.
Χορός
  1. τί ταῦτ᾽ ἀνωτότυξας ἀμφὶ Λοξίου;
  2. οὐ γὰρ τοιοῦτος ὥστε θρηνητοῦ τυχεῖν.
Κασάνδρα
  1. ὀτοτοτοτοῖ πόποι δᾶ.
  2. ὦπολλον ὦπολλον.
Χορός
  1. ἡ δ᾽ αὖτε δυσφημοῦσα τὸν θεὸν καλεῖ
  2. οὐδὲν προσήκοντ᾽ ἐν γόοις παραστατεῖν.
Κασάνδρα
  1. Ἄπολλον Ἄπολλον
  2. ἀγυιᾶτ᾽, ἀπόλλων ἐμός.
  3. ἀπώλεσας γὰρ οὐ μόλις τὸ δεύτερον.
Χορός
  1. χρήσειν ἔοικεν ἀμφὶ τῶν αὑτῆς κακῶν.
  2. μένει τὸ θεῖον δουλίᾳ περ ἐν[*](περ ἐν Schütz: παρ᾽ ἓν M) φρενί.
Κασάνδρα
  1. Ἄπολλον Ἄπολλον
  2. ἀγυιᾶτ᾽, ἀπόλλων ἐμός.
  3. ἆ ποῖ ποτ᾽ ἤγαγές με; πρὸς ποίαν στέγην;