Seven Against Thebes

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. τῶν τοι ματαίων ἀνδράσιν φρονημάτων
  2. ἡ γλῶσσ᾽ ἀληθὴς γίγνεται[*](γίνεται codd.) κατήγορος.
  3. Καπανεὺς δ᾽ ἀπειλεῖ δρᾶν παρεσκευασμένος,
  4. θεοὺς[*](ἀπειλεῖ ... θεοὺς secludere volt Wecklein) ἀτίζων, κἀπογυμνάζων στόμα
  5. χαρᾷ ματαίᾳ θνητὸς ὢν εἰς οὐρανὸν
  6. πέμπει γεγωνὰ[*](γεγωνὰ Brunck: γεγωνᾷ (ι adscr. m) M recc. plerique) Ζηνὶ κυμαίνοντ᾽ ἔπη:
  7. πέποιθα δ᾽ αὐτῷ ξὺν δίκῃ τὸν πυρφόρον[*](πυρφόρον recc.: πυρφόρων M)
  8. ἥξειν κεραυνόν, οὐδὲν ἐξῃκασμένον
  9. μεσημβρινοῖσι θάλπεσιν τοῖς ἡλίου.
  10. ἀνὴρ δ᾽ ἐπ᾽ αὐτῷ, κεἰ στόμαργός ἐστ᾽ ἄγαν,
  11. αἴθων τέτακται λῆμα, Πολυφόντου βία,
  12. φερέγγυον φρούρημα, προστατηρίας
  13. Ἀρτέμιδος εὐνοίαισι σύν τ᾽ ἄλλοις θεοῖς.
  14. λέγ᾽ ἄλλον ἄλλαις ἐν πύλαις εἰληχότα.
Χορος
  1. ὄλοιθ᾽ ὃς πόλει μεγάλ᾽ ἐπεύχεται,
  2. κεραυνοῦ δέ νιν[*](νιν Brunck: μιν codd.) βέλος ἐπισχέθοι,
  3. πρὶν ἐμὸν ἐσθορεῖν δόμον, πωλικῶν θ᾽
  4. ἑδωλίων <μ᾽[*](μ᾽ add. Hermann)> ὑπερκόπῳ[*](ὑπερκόπῳ anon.: ὑπερκόμπῳ codd.)
  5. δορί ποτ᾽ ἐκλαπάξαι.
Αγγελος
  1. [καὶ μὴν τὸν ἐντεῦθεν λαχόντα πρὸς πύλαις][*](seclusit H. Wolf)