Seven Against Thebes

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ἀλλ᾽ οὖν θεοὺς
  2. τοὺς τῆς ἁλούσης πόλεος[*](πόλεος recc. pauci: πόλεως codd. cett.) ἐκλείπειν λόγος.[*](tres vv. ita distribuit m1, recc.: Eteocli continuat M)
Χορος
  1. μήποτ᾽ ἐμὸν κατ᾽ αἰῶνα λίποι[*](λείποι M) θεῶν
  2. ἅδε πανάγυρις, μηδ᾽ ἐπίδοιμι τάνδ᾽
  3. ἀστυδρομουμέναν πόλιν καὶ στράτευμ᾽
  4. ἁπτόμενον πυρὶ δαΐῳ.[*](fortasse δαϊῳ <πᾶν> Enger)
Ετεοκλης
  1. μή μοι θεοὺς καλοῦσα βουλεύου κακῶς:
  2. πειθαρχία γάρ ἐστι τῆς εὐπραξίας
  3. μήτηρ, γονῆς[*](γονῆς Hermann: γυνὴ codd.) σωτῆρος: ὧδ᾽ ἔχει λόγος.
Χορος
  1. ἔστι: θεοῦ[*](θεοῦ M: θεοῖς m recc.) δ᾽ ἔτ᾽ ἰσχὺς καθυπερτέρα:
  2. πολλάκι δ᾽ ἐν κακοῖσι τὸν[*](τὸν ex schol. Canter: τὰν codd.) ἀμάχανον
  3. κἀκ χαλεπᾶς δύας ὕπερθ᾽ ὀμμάτων
  4. κρημναμενᾶν νεφελᾶν[*](κρημναμενᾶν νεφελᾶν Hermann: κρημναμέναν (vel κριμν.) νεφέλαν codd.) ὀρθοῖ.[*](fortasse ἀνορθοῖ Enger)
Ετεοκλης
  1. ἀνδρῶν τάδ᾽ ἐστί, σφάγια καὶ χρηστήρια
  2. θεοῖσιν ἕρδειν, πολεμίων πειρωμένων:[*](πειρωμένων] πειρωμένοις (ων supra scr. m1) M)
  3. σὸν δ᾽ αὖ τὸ σιγᾶν καὶ μένειν εἴσω δόμων.
Χορος
  1. διὰ θεῶν πόλιν νεμόμεθ᾽ ἀδάματον,[*](ἀδάματον Pauw: ἀδάμαντον M)
  2. δυσμενέων δ᾽ ὄχλον πύργος ἀποστέγει.
  3. τίς[*](τίς Heath: τί codd.) τάδε νέμεσις στυγεῖ;
Ετεοκλης
  1. οὔτοι φθονῶ σοι δαιμόνων τιμᾶν γένος: