Seven Against Thebes

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. τοιγὰρ θέλουσ᾽ ἄκοντι κοινώνει κακῶν[*](κακῶν recc.: κακο. (correctum in κακῷ m) M)
  2. ψυχή, θανόντι ζῶσα συγγόνῳ φρενί.
  3. τούτου[*](τούτω M) δὲ σάρκας οὐδὲ κοιλογάστορες
  4. λύκοι πάσονται:[*](πάσονται (fuerat σπάσονται) M: σπάσονται recc.) μὴ δοκησάτω τινί.
  5. τάφον γὰρ αὐτὴ[*](αὐτὴ Pierson: αὐτῷ codd. (αὐτῶ M)) καὶ κατασκαφὰς ἐγώ,
  6. γυνή περ οὖσα, τῷδε μηχανήσομαι,
  7. κόλπῳ φέρουσα βυσσίνου πεπλώματος.
  8. καὐτὴ καλύψω, μηδέ τῳ δόξῃ πάλιν:
  9. θάρσει, παρέσται μηχανὴ δραστήριος.
Κηρυξ
  1. αὐδῶ πόλιν σε μὴ βιάζεσθαι τάδε.
Αντιγονη
  1. αὐδῶ σε μὴ περισσὰ κηρύσσειν ἐμοί.
Κηρυξ
  1. τραχύς γε μέντοι δῆμος ἐκφυγὼν κακά.
Αντιγονη
  1. τράχυν᾽: ἄθαπτος δ᾽ οὗτος οὐ γενήσεται.
Κηρυξ
  1. ἀλλ᾽ ὃν πόλις στυγεῖ, σὺ τιμήσεις τάφῳ;
Αντιγονη
  1. ἤδη τὰ τοῦδε[*](τοῦδε ex schol. Paley: τοῦδ᾽ οὐ codd.) διατετίμηται θεοῖς.
Κηρυξ
  1. οὔ, πρίν γε χώραν τήνδε κινδύνῳ βαλεῖν.
Αντιγονη
  1. παθὼν κακῶς κακοῖσιν ἀντημείβετο.
Κηρυξ
  1. ἀλλ᾽ εἰς ἅπαντας ἀνθ᾽ ἑνὸς τόδ᾽ ἔργον ἦν.
Αντιγονη
  1. ἔρις περαίνει μῦθον ὑστάτη θεῶν.
  2. ἐγὼ δὲ θάψω τόνδε: μὴ μακρηγόρει.