Prometheus Bound

Aeschylus

Aeschylus, creator; Aeschylus with an English translation Vol I. Smyth, Herbert Weir, 1857- 1937, editor, translator. Cambridge, Mass., Harvard University Press; London, William Heinemann, Ltd.: 1922.

  1. δρακοντόμαλλοι Γοργόνες βροτοστυγεῖς,
  2. ἃς θνητὸς οὐδεὶς εἰσιδὼν ἕξει πνοάς.
  3. τοιοῦτο μέν σοι τοῦτο φρούριον λέγω·
  4. ἄλλην δʼ ἄκουσον δυσχερῆ θεωρίαν·
  5. ὀξυστόμους γὰρ Ζηνὸς ἀκραγεῖς κύνας
  6. γρῦπας φύλαξαι, τόν τε μουνῶπα στρατὸν
  7. Ἀριμασπὸν ἱπποβάμονʼ, οἳ χρυσόρρυτον
  8. οἰκοῦσιν ἀμφὶ νᾶμα Πλούτωνος πόρου·
  9. τούτοις σὺ μὴ πέλαζε. τηλουρὸν δὲ γῆν
  10. ἥξεις, κελαινὸν φῦλον, οἳ πρὸς ἡλίου
  11. ναίουσι πηγαῖς, ἔνθα ποταμὸς Αἰθίοψ.
  12. τούτου παρʼ ὄχθας ἕρφʼ, ἕως ἂν ἐξίκῃ
  13. καταβασμόν, ἔνθα Βιβλίνων ὀρῶν ἄπο
  14. ἵησι σεπτὸν Νεῖλος εὔποτον ῥέος.
  15. οὗτός σʼ ὁδώσει τὴν τρίγωνον ἐς χθόνα
  16. Νειλῶτιν, οὗ δὴ τὴν μακρὰν ἀποικίαν,
  17. Ἰοῖ, πέπρωται σοί τε καὶ τέκνοις κτίσαι.
  18. τῶν δʼ εἴ τί σοι ψελλόν τε καὶ δυσεύρετον,
  19. ἐπανδίπλαζε καὶ σαφῶς ἐκμάνθανε·
  20. σχολὴ δὲ πλείων ἢ θέλω πάρεστί μοι.