Prometheus Bound

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. Λέρνης τε κρήνην:[*](τε κρήνην Canter: ἄκρην τε M) βουκόλος δὲ γηγενὴς
  2. ἄκρατος ὀργὴν Ἄργος ὡμάρτει, πυκνοῖς
  3. ὄσσοις δεδορκὼς τοὺς ἐμοὺς κατὰ στίβους.
  4. ἀπροσδόκητος δ᾽ αὐτὸν ἀφνίδιος[*](ἀφνίδιος Elmsley: αἰφνίδιος codd.: ἄπτερος ex Hesych. W. Headlam) μόρος
  5. τοῦ ζῆν ἀπεστέρησεν. οἰστροπλὴξ δ᾽ ἐγὼ
  6. μάστιγι θείᾳ γῆν πρὸ γῆς ἐλαύνομαι.
  7. κλύεις τὰ πραχθέντ᾽: εἰ δ᾽ ἔχεις εἰπεῖν ὅ τι
  8. λοιπὸν πόνων, σήμαινε: μηδέ μ᾽ οἰκτίσας
  9. σύνθαλπε μύθοις ψευδέσιν:[*](ψεύδέσσιν M) νόσημα γὰρ
  10. αἴσχιστον εἶναί φημι συνθέτους λόγους.
Χορός
  1. ἔα ἔα, ἄπεχε, φεῦ:
  2. οὔποθ᾽ <ὧδ᾽>[*](οὔποθ᾽ ὧδ᾽ Wecklein: οὔποτ᾽ codd.) οὔποτ᾽ ηὔχουν[*](ηὔχουν schol., recc.: ηὐχόμην M) ξένους
  3. μολεῖσθαι λόγους εἰς ἀκοὰν ἐμάν,
  4. οὐδ᾽ ὧδε δυσθέατα καὶ[*](καὶ recc.: omittit M) δύσοιστα
  5. πήματα, λύματα, δείματα κέν-
  6. τρῳ ψύχειν ψυχὰν ἀμφάκει.[*](δείματα κέντρῳ ψύχειν ψυχὰν ἀμφάκει Weil: δείματ᾽ ἀμφήκει κέντρῳ ψύχειν ψυχὰν ἐμάν M)
  7. ἰὼ ἰὼ μοῖρα μοῖρα,
  8. πέφρικ᾽ εἰσιδοῦσα[*](εἰσιδοῦσα recc.: ἐσιδοῦσα M) πρᾶξιν Ἰοῦς.
Προμηθεύς
  1. πρῴ γε στενάζεις καὶ φόβου πλέα τις εἶ:
  2. ἐπίσχες ἔστ᾽ ἂν καὶ τὰ λοιπὰ προσμάθῃς.