Persians

Aeschylus

Aeschylus, Volume 1. Smyth, Herbert Weir, editor. London; New York: William Heinemann; G.P. Putnam's Sons, 1922.

  1. χὤστις μὲν ἡμῶν πρὶν σκεδασθῆναι θεοῦ
  2. ἀκτῖνας ὡρμήθη, σεσωσμένος κυρεῖ.
  3. φλέγων γὰρ αὐγαῖς λαμπρὸς ἡλίου κύκλος
  4. μέσον πόρον διῆκε, θερμαίνων φλογί.
  5. πῖπτον δʼ ἐπʼ ἀλλήλοισιν· ηὐτύχει δέ τοι
  6. ὅστις τάχιστα πνεῦμʼ ἀπέρρηξεν βίου.
  7. ὅσοι δὲ λοιποὶ κἄτυχον σωτηρίας,
  8. Θρῄκην περάσαντες μόγις πολλῷ πόνῳ,
  9. ἥκουσιν ἐκφυγόντες, οὐ πολλοί τινες,
  10. ἐφʼ ἑστιοῦχον γαῖαν· ὡς στένειν πόλιν
  11. Περσῶν, ποθοῦσαν φιλτάτην ἥβην χθονός.
  12. ταῦτʼ ἔστʼ ἀληθῆ· πολλὰ δʼ ἐκλείπω λέγων
  13. κακῶν ἃ Πέρσαις ἐγκατέσκηψεν θεός.
Χορός
  1. ὦ δυσπόνητε δαῖμον, ὡς ἄγαν βαρὺς
  2. ποδοῖν ἐνήλου παντὶ Περσικῷ γένει.
Ἄτοσσα
  1. οἲ ʼγὼ τάλαινα διαπεπραγμένου στρατοῦ·
  2. ὦ νυκτὸς ὄψις ἐμφανὴς ἐνυπνίων,
  3. ὡς κάρτα μοι σαφῶς ἐδήλωσας κακά.
  4. ὑμεῖς δὲ φαύλως αὔτʼ ἄγαν ἐκρίνατε.
  5. ὅμως δʼ, ἐπειδὴ τῇδʼ ἐκύρωσεν φάτις