Persians

Aeschylus

Aeschylus, Volume 1. Smyth, Herbert Weir, editor. London; New York: William Heinemann; G.P. Putnam's Sons, 1922.

  1. τέλος δʼ ἐφορμηθέντες ἐξ ἑνὸς ῥόθου
  2. παίουσι, κρεοκοποῦσι δυστήνων μέλη,
  3. ἕως ἁπάντων ἐξαπέφθειραν βίον.
  4. Ξέρξης δʼ ἀνῴμωξεν κακῶν ὁρῶν βάθος·
  5. ἕδραν γὰρ εἶχε παντὸς εὐαγῆ στρατοῦ,
  6. ὑψηλὸν ὄχθον ἄγχι πελαγίας ἁλός·
  7. ῥήξας δὲ πέπλους κἀνακωκύσας λιγύ,
  8. πεζῷ παραγγείλας ἄφαρ στρατεύματι,
  9. ἵησʼ ἀκόσμῳ ξὺν φυγῇ. τοιάνδε σοι
  10. πρὸς τῇ πάροιθε συμφορὰν πάρα στένειν.
Ἄτοσσα
  1. ὦ στυγνὲ δαῖμον, ὡς ἄρʼ ἔψευσας φρενῶν
  2. Πέρσας· πικρὰν δὲ παῖς ἐμὸς τιμωρίαν
  3. κλεινῶν Ἀθηνῶν ηὗρε, κοὐκ ἀπήρκεσαν
  4. οὓς πρόσθε Μαραθὼν βαρβάρων ἀπώλεσεν·
  5. ὧν ἀντίποινα παῖς ἐμὸς πράξειν δοκῶν
  6. τοσόνδε πλῆθος πημάτων ἐπέσπασεν.
  7. σὺ δʼ εἰπέ, ναῶν αἳ πεφεύγασιν μόρον,
  8. ποῦ τάσδʼ ἔλειπες· οἶσθα σημῆναι τορῶς;
Ἄγγελος
  1. ναῶν γε ταγοὶ τῶν λελειμμένων σύδην
  2. κατʼ οὖρον οὐκ εὔκοσμον αἴρονται φυγήν·