Persians

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ταρβῶ, χοὰς δὲ πρευμενὴς ἐδεξάμην.
  2. ὑμεῖς δὲ θρηνεῖτ᾽ ἐγγὺς ἑστῶτες τάφου
  3. καὶ ψυχαγωγοῖς ὀρθιάζοντες[*](ὀρθιάζοντες Robortello: ὀρθρίζοντες V: ῥοθιάζοντες M G cett.) γόοις
  4. οἰκτρῶς καλεῖσθέ[*](καλεῖσθε recc.: καλεῖσθαι M) μ᾽: ἐστὶ δ᾽ οὐκ εὐέξοδον,
  5. ἄλλως τε πάντως χοἰ κατὰ χθονὸς θεοὶ
  6. λαβεῖν ἀμείνους εἰσὶν ἢ μεθιέναι.
  7. ὅμως δ᾽ ἐκείνοις ἐνδυναστεύσας ἐγὼ
  8. ἥκω: τάχυνε δ᾽, ὡς ἄμεμπτος ὦ χρόνου.
  9. τί δ᾽[*](τί δ᾽ G: τί M) ἐστὶ Πέρσαις νεοχμὸν ἐμβριθὲς κακόν;
Χορός
  1. σέβομαι μὲν προσιδέσθαι,
  2. σέβομαι δ᾽ ἀντία λέξαι
  3. σέθεν ἀρχαίῳ περὶ τάρβει.
Δαρεῖος
  1. ἀλλ᾽ ἐπεὶ κάτωθεν ἦλθον σοῖς γόοις πεπεισμένος,[*](πεπεισμένος om. M, add. m)
  2. μή τι μακιστῆρα μῦθον, ἀλλὰ σύντομον λέγων
  3. εἰπὲ καὶ πέραινε πάντα, τὴν ἐμὴν αἰδῶ μεθείς.
Χορός
  1. δίεμαι μὲν χαρίσασθαι,
  2. δίεμαι[*](δίεμαι Hermann: δείομαι M: δίομαι recc.) δ᾽ ἀντία φάσθαι,
  3. λέξας δύσλεκτα φίλοισιν.
Δαρεῖος
  1. ἀλλ᾽ ἐπεὶ δέος παλαιὸν σοὶ φρενῶν ἀνθίσταται,
  2. τῶν ἐμῶν λέκτρων γεραιὰ ξύννομ᾽ εὐγενὲς γύναι,