Persians

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. φυγῇ δ᾽ ἀκόσμῳ[*](ἀκόσμῳ rec.: ἀκόσμως codd. cett.) πᾶσα ναῦς ἠρέσσετο,
  2. ὅσαιπερ ἦσαν βαρβάρου στρατεύματος.
  3. τοὶ δ᾽ ὥστε θύννους ἤ τιν᾽ ἰχθύων βόλον
  4. ἀγαῖσι κωπῶν θραύμασίν τ᾽ ἐρειπίων
  5. ἔπαιον, ἐρράχιζον: οἰμωγὴ[*](οἰμωγὴ recc.: οἰμωγῆς M) δ᾽ ὁμοῦ
  6. κωκύμασιν κατεῖχε πελαγίαν ἅλα,
  7. ἕως κελαινῆς νυκτὸς ὄμμ᾽ ἀφείλετο.
  8. κακῶν δὲ πλῆθος, οὐδ᾽ ἂν εἰ δέκ᾽ ἤματα
  9. στοιχηγοροίην,[*](στοιχηγοροίην recc.: στοιχοιγαροίην (ο supra α scr.) M) οὐκ ἂν ἐκπλήσαιμί σοι.
  10. εὖ γὰρ τόδ᾽ ἴσθι, μηδάμ᾽[*](μηδάμ᾽ recc.: μὴδ᾽ ἂν M) ἡμέρᾳ μιᾷ
  11. πλῆθος τοσουτάριθμον[*](τοσουτάριθμον rec. et schol.: τοσοῦτ᾽ ἀριθμὸν M) ἀνθρώπων θανεῖν.
Ἄτοσσα
  1. αἰαῖ, κακῶν δὴ πέλαγος ἔρρωγεν[*](ἔρρωγεν rec.: ἔρρω.ται (correctum in ἔρρωγε m1) M) μέγα
  2. Πέρσαις τε καὶ πρόπαντι βαρβάρων γένει.
Ἄγγελος
  1. εὖ νυν[*](νῦν M) τόδ᾽ ἴσθι, μηδέπω μεσοῦν κακόν:
  2. τοιάδ᾽ ἐπ᾽ αὐτοὺς ἦλθε συμφορὰ πάθους,
  3. ὡς τοῖσδε καὶ δὶς ἀντισηκῶσαι ῥοπῇ.
Ἄτοσσα
  1. καὶ τίς γένοιτ᾽ ἂν τῆσδ᾽[*](τῆσδ᾽ ἔτ᾽ rec.: τῆσδέ τ᾽ M G recc.) ἔτ᾽ ἐχθίων τύχη;
  2. λέξον τίν᾽ αὖ φῂς τήνδε συμφορὰν στρατῷ
  3. ἐλθεῖν κακῶν ῥέπουσαν ἐς τὰ μάσσονα.
Ἄγγελος
  1. Περσῶν ὅσοιπερ ἦσαν ἀκμαῖοι φύσιν,