Persians

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. Ἀρτεμβάρης δὲ μυρίας ἵππου[*](ἵππους (rasura in ἵππου factum) M) βραβεὺς
  2. στύφλους παρ᾽ ἀκτὰς θείνεται Σιληνιῶν.
  3. χὠ χιλίαρχος Δαδάκης πληγῇ δορὸς
  4. πήδημα κοῦφον ἐκ νεὼς ἀφήλατο:
  5. Τενάγων τ᾽ ἀριστεὺς[*](ἀριστεὺς Blomfield: ἄριστος codd.) Βακτρίων ἰθαγενὴς
  6. θαλασσόπληκτον νῆσον Αἴαντος πολεῖ.
  7. Λίλαιος, Ἀρσάμης τε κἀργήστης τρίτος,
  8. οἵδ᾽ ἀμφὶ νῆσον τὴν πελειοθρέμμονα
  9. δινούμενοι[*](δινούμενοι Wecklein: νικωμένοι codd.) κύρισσον ἰσχυρὰν χθόνα:
  10. πηγαῖς τε Νείλου γειτονῶν Αἰγυπτίου
  11. Ἀρκτεύς, Ἀδεύης, καὶ Φερεσσάκης[*](Φερεσσάκης Bothe: φρεσεύης M: φερεσσεύης recc.) τρίτος,
  12. Φαρνοῦχος, οἵδε ναὸς ἐκ μιᾶς πέσον.
  13. Χρυσεὺς Μάταλλος μυριόνταρχος θανών,
  14. ἵππου μελαίνης ἡγεμὼν τρισμυρίας,
  15. πυρσὴν[*](πυρσὴν Porson: πυρὰν M, πυρρὰν m) ζαπληθῆ δάσκιον γενειάδα
  16. ἔτεγγ᾽, ἀμείβων χρῶτα πορφυρᾷ[*](πορφυρᾷ Porson: πορφυρέα M) βαφῇ.
  17. καὶ Μᾶγος Ἄραβος, Ἀρτάβης τε Βάκτριος,
  18. σκληρᾶς μέτοικος γῆς, ἐκεῖ κατέφθιτο.
  19. Ἄμιστρις Ἀμφιστρεύς τε πολύπονον δόρυ
  20. νωμῶν, ὅ τ᾽ ἐσθλὸς Ἀριόμαρδος Σάρδεσι[*](v. ob metrum inusitatum suspectus, fort. iniuria)