Persians

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. μῦθον, οὐδαμῶς ἐμαυτῆς οὖσ᾽ ἀδείμαντος,[*](οὖσ᾽ ἀδείμαντος] οὐδ᾽ ἀδείμαντον Weil) φίλοι,
  2. μὴ μέγας πλοῦτος[*](πλοῦτος] δαίμων Heimsoeth) κονίσας οὖδας ἀντρέψῃ ποδὶ
  3. ὄλβον, ὃν Δαρεῖος ἦρεν οὐκ ἄνευ θεῶν τινός.
  4. ταῦτά μοι διπλῆ μέριμνα φραστός[*](μέριμνα φραστός C. G. Haupt: μέριμν᾽ ἄφραστος codd.) ἐστιν ἐν φρεσίν,
  5. μήτε χρημάτων ἀνάνδρων πλῆθος ἐν τιμῇ σέβειν
  6. μήτ᾽ ἀχρημάτοισι λάμπειν φῶς ὅσον σθένος πάρα.
  7. ἔστι γὰρ πλοῦτός γ᾽ ἀμεμφής, ἀμφὶ δ᾽ ὀφθαλμῷ[*](ὀφθαλμῷ Heimsoeth: ὀφθαλμοῖς codd.) φόβος:
  8. ὄμμα γὰρ δόμων νομίζω δεσπότου παρουσίαν.
  9. πρὸς τάδ᾽ ὡς οὕτως ἐχόντων τῶνδε, σύμβουλοι λόγου
  10. τοῦδέ μοι γένεσθε, Πέρσαι, γηραλέα πιστώματα:
  11. πάντα γὰρ τὰ κέδν᾽ ἐν ὑμῖν ἐστί μοι βουλεύματα.
Χορός
  1. εὖ τόδ᾽ ἴσθι, γῆς ἄνασσα τῆσδε, μή σε δὶς φράσαι
  2. μήτ᾽ ἔπος μήτ᾽ ἔργον ὧν ἂν δύναμις[*](δύναμις recc.: δυνάμεις M) ἡγεῖσθαι θέλῃ:[*](θέλῃ] θέλει (ει in η mutatum m1) M)
  3. εὐμενεῖς γὰρ ὄντας ἡμᾶς τῶνδε συμβούλους καλεῖς.
Ἄτοσσα
  1. πολλοῖς μὲν αἰεὶ[*](αἰεὶ V: ἀεὶ M G) νυκτέροις ὀνείρασιν
  2. ξύνειμ᾽, ἀφ᾽ οὗπερ παῖς ἐμὸς στείλας στρατὸν
  3. Ἰαόνων γῆν οἴχεται πέρσαι θέλων:
  4. ἀλλ᾽ οὔτι πω τοιόνδ᾽ ἐναργὲς εἰδόμην
  5. ὡς τῆς πάροιθεν εὐφρόνης: λέξω δέ σοι.
  6. ἐδοξάτην μοι[*](μοι recc.: om. M) δύο γυναῖκ᾽ εὐείμονε,