Supplices

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ταῦτ᾽ οὐ πίναξίν ἐστιν ἐγγεγραμμένα
  2. οὐδ᾽ ἐν πτυχαῖς βίβλων κατεσφραγισμένα,
  3. σαφῆ δ᾽ ἀκούεις ἐξ ἐλευθεροστόμου
  4. γλώσσης. κομίζου δ᾽ ὡς τάχιστ᾽ ἐξ ὀμμάτων.
<Κηρυξ>
  1. ἔοιγμεν[*](ἔοιγμεν Cobet: ἴσθιμεν τάδ᾽ codd.) ἤδη πόλεμον ἀρεῖσθαι[*](ἀρεῖσθαι Cobet: ἐρεισθε codd. (fuerat ἐρισθε) M) νέον.
  2. εἴη δὲ νίκη καὶ κράτη τοῖς ἄρσεσιν.
<Βασιλευσ>
  1. ἀλλ᾽ ἄρσενάς τοι τῆσδε γῆς οἰκήτορας
  2. εὑρήσετ᾽ οὐ πίνοντας ἐκ κριθῶν μέθυ.
  3. ὑμεῖς δὲ πᾶσαι ξὺν φίλαις[*](φίλαις Schütz: φίλοις codd.) ὀπάοσι
  4. θράσος λαβοῦσαι στείχετ᾽ εὐερκῆ πόλιν,
  5. πύργων βαθείᾳ μηχανῇ κεκλῃμένην.[*](κεκλῃμένην] κεκλημένην (ι supra scr.) M)
  6. καὶ δώματ᾽ ἐστὶ πολλὰ μὲν τὰ δήμια,
  7. δεδωμάτωμαι δ᾽ οὐδ᾽ ἐγὼ σμικρᾷ χερί.
  8. ἔνθ᾽ ὑμίν[*](ἔνθ᾽ ὑμίν Kirchhoff: εὐθυμεῖν codd.) ἐστιν εὐτύκους[*](εὐτύκους Porson: ἐντυχούση codd.) ναίειν δόμους[*](δόμοις codd.)
  9. πολλῶν μετ᾽ ἄλλων: εἰ δέ τις μείζων χάρις,
  10. πάρεστιν οἰκεῖν καὶ μονορρύθμους[*](μονορύθμους M) δόμους.