Supplices
Aeschylus
Aeschyli Tragoediae. Sidgwick, Arthur, editor. Oxford: Clarendon Press, 1902.
- ἤκουσα, καὶ λέγοις ἄν: οὔ με φεύξεται.
- ἔχω στρόφους[*](στρόφους Scaliger: στρόβους codd.) ζώνας τε, συλλαβὰς πέπλων.
- ἐκ τῶνδε τοίνυν, ἴσθι, μηχανὴ καλή—[*](καλή Turnebus: καλεῖ codd.)
- λέξον τίν᾽ αὐδὴν τήνδε γηρυθεῖσ᾽[*](γηρυθεῖσ᾽ Turnebus: γηρυθεὶς M) ἔσει.
- εἰ μή τι πιστὸν τῷδ᾽ ὑποστήσεις[*](ὑποστήσεις Wellauer: ὑποστήσει codd.) στόλῳ—
- τί σοι περαίνει μηχανὴ συζωμάτων;
- νέοις πίναξι βρέτεα κοσμῆσαι τάδε.
- αἰνιγματῶδες τοὔπος: ἀλλ᾽ ἁπλῶς[*](ἀλλ᾽ ἁπλῶς Abresch: ἀλλὰ πῶς codd.) φράσον.
- ἐκ τῶνδ᾽ ὅπως τάχιστ᾽ ἀπάγξασθαι θεῶν.
- ἤκουσα μαστικτῆρα[*](μαστικτῆρα Auratus: μακιστῆρα codd.) καρδίας λόγον.
- ξυνῆκας: ὠμμάτωσα γὰρ σαφέστερον.
- καὶ [μὴν[*](μὴν seclusit Turnebus)] πολλαχῇ[*](μὴν πυκνῇ Campbell) γε δυσπάλαιστα πράγματα,
- κακῶν δὲ πλῆθος ποταμὸς ὣς ἐπέρχεται:
- ἄτης δ᾽ ἄβυσσον πέλαγος οὐ μάλ᾽ εὔπορον
- τόδ᾽ ἐσβέβηκα,[*](ἐσβέβηκα Spanheim: ἐσέβηκα (-κε G) codd.) κοὐδαμοῦ λιμὴν κακῶν.
- εἰ μὲν γὰρ ὑμῖν μὴ τόδ᾽ ἐκπράξω χρέος,
- μίασμ᾽ ἔλεξας οὐχ ὑπερτοξεύσιμον:
- εἰ δ᾽ αὖθ᾽ ὁμαίμοις[*](ὁμαίμοις Turnebus: ὁμαίμους codd.) παισὶν Αἰγύπτου σέθεν
- σταθεὶς πρὸ τειχέων διὰ μάχης ἥξω τέλους,