Supplices

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ὁμοιΐαν[*](ὁμοιΐαν Klausen: ὁμοίαν codd.: ἀντίρροπον Heimsoeth) θέμιν.
  2. τάδε φράσαι δίκαια Διόθεν κράτη.
Βασιλευς
  1. καὶ δὴ πέφρασμαι: δεῦρο δ᾽ ἐξοκέλλεται:
  2. ἢ τοῖσιν ἢ τοῖς πόλεμον αἴρεσθαι μέγαν
  3. πᾶσ᾽ ἔστ᾽ ἀνάγκη, καὶ γεγόμφωται σκάφος
  4. στρέβλαισι ναυτικαῖσιν ὡς προσηγμένον.
  5. ἄνευ δὲ λύπης οὐδαμοῦ καταστροφή.
  6. καὶ χρημάτων[*](χρημάτων in marg. m: χρήμασι M codd. cett.) μὲν ἐκ δόμων πορθουμένων,
  7. [ἄτην γε μείζω καὶ μέγ᾽ ἐμπλήσας γόμου][*](seclusit Dindorf: si retineatur, γεμίζων cum Scaligero (ex schol.) legendum, vel γεμίζειν ... ἐμπλῆσαι (Weil))
  8. γένοιτ᾽ ἂν ἄλλα κτησίου Διὸς χάριν:
  9. καὶ γλῶσσα τοξεύσασα μὴ τὰ καίρια,
  10. γένοιτο μύθου μῦθος ἂν θελκτήριος[*](θελκτήριος Turnebus (et ante correctionem G): θελκτηρίοις M)
  11. [ἀλγεινὰ θυμοῦ κάρτα κινητήρια]:[*](seclusit Geel: alii retinent ante 447 translatum)
  12. ὅπως δ᾽ ὅμαιμον[*](ὅμαιμον] ὁμαῖμον ex ὁμαίμων factum M) αἷμα μὴ γενήσεται,
  13. δεῖ κάρτα θύειν καὶ πεσεῖν χρηστήρια
  14. θεοῖσι πολλοῖς πολλά, πημονῆς ἄκη.
  15. ἦ κάρτα νείκους τοῦδ᾽ ἐγὼ παροίχομαι:
  16. θέλω δ᾽ ἄιδρις μᾶλλον ἢ σοφὸς κακῶν
  17. εἶναι: γένοιτο δ᾽ εὖ παρὰ γνώμην ἐμήν.
Χορος
  1. πολλῶν ἄκουσον τέρματ᾽ αἰδοίων λόγων.