Supplices

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ξένους ἀμείβεσθ᾽, ὡς ἐπήλυδας πρέπει,
  2. τορῶς λέγουσαι τάσδ᾽ ἀναιμάκτους φυγάς.
  3. φθογγῇ[*](φθογγῇ Pauw: φθογγὴ codd.) δ᾽ ἑπέσθω πρῶτα μὲν τὸ μὴ θρασύ,
  4. τὸ μὴ μάταιον δ᾽ ἐκ σεσωφρονισμένων[*](σεσωφρονισμένων Dindorf: μετώπω σωφρονῶν M)
  5. ἴτω προσώπων ὄμματος παρ᾽ ἡσύχου.
  6. καὶ μὴ πρόλεσχος μηδ᾽ ἐφολκὸς ἐν λόγῳ
  7. γένῃ: τὸ τῇδε κάρτ᾽ ἐπίφθονον γένος.
  8. μέμνησο δ᾽ εἴκειν: χρεῖος εἶ ξένη[*](εἶ ξένη Sophianus: εἶξεν ἡ codd.) φυγάς.
  9. θρασυστομεῖν γὰρ οὐ πρέπει τοὺς ἥσσονας.
Χορος
  1. πάτερ, φρονούντως πρὸς φρονοῦντας ἐννέπεις.
  2. φυλάξομαι δὲ τάσδε μεμνῆσθαι σέθεν
  3. κεδνὰς ἐφετμάς: Ζεὺς δὲ γεννήτωρ ἴδοι.
Δαναος
  1. ἴδοιτο δῆτα πρευμενοῦς ἀπ᾽ ὄμματος.[*](in codd. notis person. carent 207-10 sic disposuit Hermann: ordo codicum numeris minoribus indicatur)
Χορος
  1. θέλοιμ᾽ ἂν ἤδη σοὶ πέλας θρόνους ἔχειν.
Δαναος
  1. μή νυν[*](μηνῦν M) σχόλαζε, μηχανῆς δ᾽ ἔστω κράτος.
Χορος
  1. ὦ Ζεῦ,[*](ἰὼ Ζεὺς M, ἰὼ Ζεῦ m) κόπων οἴκτειρε μἀπολωλότας.[*](μἀπολωλότας] μὴ ἀπολ. codd.)[*](post 211 lacunam indicavit Hermann)
Δαναος
  1. κείνου θέλοντος εὖ τελευτήσει τάδε.
Χορος
  1. ---
Δαναος
  1. καὶ Ζηνὸς ὄρνιν[*](ὄρνιν] ἶνιν Tucker) τόνδε νῦν κικλήσκετε.[*](κικλήσκετε Robortello: κικλήσκεται (η ex ι factum) M)
Χορος
  1. καλοῦμεν αὐγὰς ἡλίου σωτηρίους,—