Supplices

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. πνεύματος εἶσι χειμών.
Δαναος
  1. παῖδες, φρονεῖν χρή: ξὺν φρονοῦντι δ᾽ ἥκετε[*](ἥκετε Porson: ἵκετε codd.)
  2. πιστῷ γέροντι τῷδε ναυκλήρῳ πατρί.
  3. καὶ τἀπὶ χέρσου νῦν προμηθίαν λαβὼν[*](λαβὼν Wordsworth: λαβεῖν codd.)
  4. αἰνῶ φυλάξαι τἄμ᾽ ἔπη δελτουμένας.
  5. ὁρῶ κόνιν, ἄναυδον ἄγγελον στρατοῦ:
  6. σύριγγες οὐ σιγῶσιν ἀξονήλατοι:
  7. ὄχλον δ᾽ ὑπασπιστῆρα καὶ δορυσσόον
  8. λεύσσω, ξὺν ἵπποις καμπύλοις τ᾽ ὀχήμασιν:
  9. τάχ᾽ ἂν πρὸς ἡμᾶς τῆσδε γῆς ἀρχηγέται
  10. ὀπτῆρες εἶεν ἀγγέλων πεπυσμένοι.
  11. ἀλλ᾽ εἴτ᾽ ἀπήμων εἴτε καὶ τεθηγμένος[*](τεθηγμένος Pearson: τεθειμένος M G)
  12. ὠμῇ ξὺν ὀργῇ τόνδ᾽ ἐπόρνυται στόλον,
  13. ἄμεινόν ἐστι παντὸς εἵνεκ᾽, ὦ κόραι,
  14. πάγον προσίζειν τόνδ᾽[*](τόνδ᾽ Turnebus: τῶνδ᾽ codd.) ἀγωνίων θεῶν.
  15. κρείσσων δὲ πύργου βωμός, ἄρρηκτον σάκος.
  16. ἀλλ᾽ ὡς τάχιστα βᾶτε, καὶ λευκοστεφεῖς
  17. ἱκτηρίας,[*](ἱκτηρίας Victorius: ἱκετηρίας codd.) ἀγάλματ᾽ αἰδοίου Διός,
  18. σεμνῶς[*](σεμνῶς m G: σεμνὸς M) ἔχουσαι διὰ χερῶν εὐωνύμων,[*](εὐωνύμων ex schol. Auratus: συνωνύμων codd.)
  19. αἰδοῖα καὶ γοεδνὰ[*](γοέδνα (pravo accentu) Robortello: γοειδηα M) καὶ ζαχρεῖ᾽[*](ζαχρεῖ᾽ Geel, Bamberger: τὰ χρέα codd.) ἔπη