Fragmenta

Bion of Phlossa

Bion. The Greek Bucolic Poets. Edmonds, J. M., editor. London: William Heinemann, Ltd.; New York: G. P. Putnam's Sons, 1916.

  1. τόσσον ἀφαυρότερος μήνας, ὅσον ἔξοχος ἄστρων,
  2. χαῖρε φίλος, καί μοι ποτὶ ποιμένα κῶμον ἄγοντι
  3. ἀντὶ σελαναίας τὺ δίδου φάος, ὥνεκα τήνα
  4. σάμερον ἀρχομένα τάχιον δύεν. οὐκ ἐπὶ φωρὰν
  5. ἔρχομαι, οὐδ’ ἵνα νυκτὸς ὁδοιπορέοντας ἐνοχλέω·
  6. ἀλλ’ ἐράω· καλὸν δέ τ’ ἐρασσαμένω συναρέσθαι.
  1. Ἅμερε Κυπρογένεια, Διὸς τέκος ἠὲ θαλάσσας,
  2. τίπτε τόσον θνατοῖσι καὶ ἀθανάτοισι χάλεπτες;
  3. τυτθὸν ἔφαν· τί νυ τόσσον ἀπήχθεο καὶ τεῒν αὐτᾷ,
  4. ταλίκον ὡς πάντεσσι κακὸν τὸν Ἔρωτα τεκέσθαι,
  5. ἄγριον, ἄστοργον, μορφᾷ νόον οὐδὲν ὁμοῖον;
  6. ἐς τί δέ νιν πτανὸν καὶ ἑκαβόλον ὤπασας ἦμεν,
  7. ὡς μὴ πικρὸν ἐόντα δυναίμεθα τῆνον ἀλύξαι;
  1. --- ἀμφασία τὸν Φοῖβον ἕλεν τὸ σὸν ἄλγος ὁρῶντα.
  2. δίζετο φάρμακα πάντα, σοφὰν δ’ ἐπεμαίετο τέχναν,
  3. χρῖεν δ’ ἀμβροσίᾳ καὶ νέκταρι, χρῖεν ἅπασαν