Nemean
Pindar
Pindar. The Odes of Pindar. Sandys, John Edwin, editor. London: William Heinemann; Cambridge: Harvard University Press. 1937 (reprint).
- εὖχος ἀγώνων ἄπο, τοὺς ἐνέποισιν ἱερούς,
- Ἀλκιμίδα, τέ γʼ ἐπαρκέσαι
- κλειτᾷ γενεᾷ· δύο μὲν Κρονίου πὰρ τεμένει,
- παῖ, σέ τʼ ἐνόσφισε καὶ Πουλυτιμίδαν
- κλᾶρος προπετὴς ἄνθεʼ Ὀλυμπιάδος.
- δελφῖνί κεν
- τάχος διʼ ἅλμας
- ἴσον εἴποιμι Μελησίαν,
- χειρῶν τε καὶ ἰσχύος ἁνίοχον.
- Ἐλείθυια, πάρεδρε Μοιρᾶν βαθυφρόνων,
- παῖ μεγαλοσθενέος, ἄκουσον, Ἥρας, γενέτειρα τέκνων· ἄνευ σέθεν
- οὐ φάος, οὐ μέλαιναν δρακέντες εὐφρόναν
- τεὰν ἀδελφεὰν ἐλάχομεν ἀγλαόγυιον Ἥβαν.
- ἀναπνέομεν δʼ οὐχ ἅπαντες ἐπὶ ἴσα·
- εἴργει δὲ πότμῳ ζυγένθʼ ἕτερον ἕτερα. σὺν δὲ τὶν
- καὶ παῖς ὁ Θεαρίωνος ἀρετᾷ κριθεὶς
- εὔδοξος ἀείδεται Σωγένης μετὰ πενταέθλοις.
- πόλιν γὰρ φιλόμολπον οἰκεῖ δορικτύπων
- Αἰακιδᾶν· μάλα δʼ ἐθέλοντι σύμπειρον ἀγωνίᾳ θυμὸν ἀμφέπειν.
- εἰ δὲ τύχῃ τις ἔρδων, μελίφρονʼ αἰτίαν