Olympian

Pindar

Pindar. The Odes of Pindar. Sandys, John Edwin, editor. London: William Heinemann; Cambridge: Harvard University Press. 1937 (reprint).

  1. ἑτοῖμον ἀνεφρόντισεν γάμον
  2. Πισάτα παρὰ πατρὸς εὔδοξον Ἱπποδάμειαν
  3. σχεθέμεν. ἐγγὺς ἐλθὼν πολιᾶς ἁλὸς οἶος ἐν ὄρφνᾳ
  4. ἄπυεν βαρύκτυπον
  5. Εὐτρίαιναν· ὁ δʼ αὐτῷ
  6. πὰρ ποδὶ σχεδὸν φάνη.
  7. τῷ μὲν εἶπε· φίλια δῶρα Κυπρίας ἄγʼ εἴ τι, Ποσείδαον, ἐς χάριν
  8. τέλλεται, πέδασον ἔγχος Οἰνομάου χάλκεον,
  9. ἐμὲ δʼ ἐπὶ ταχυτάτων πόρευσον ἁρμάτων
  10. ἐς Ἆλιν, κράτει δὲ πέλασον.
  11. ἐπεὶ τρεῖς τε καὶ δέκʼ ἄνδρας ὀλέσαις
  12. ἐρῶντας ἀναβάλλεται γάμον
  13. θυγατρός. ὁ μέγας δὲ κίνδυνος ἄναλκιν οὐ φῶτα λαμβάνει.
  14. θανεῖν δʼ οἷσιν ἀνάγκα, τί κέ τις ἀνώνυμον
  15. γῆρας ἐν σκότῳ καθήμενος ἕψοι μάταν,
  16. ἁπάντων καλῶν ἄμμορος; ἀλλʼ ἐμοὶ μὲν οὗτος ἄεθλος