Theriaca

Nicander of Colophon

Nicander of Colophon. Nicandrea. Theriaca et Alexipharmaca. Schneider, Otto, editor. Leipzig: Teubner, 1856.

  1. ῥινῷ δυσπαθέοντας, ὅτ’ ἐν παλάμῃσιν ἀεργοῖς
  2. μάλκαι ἐπιπροθέωσιν ὑπὸ κρυμοῖο δαμέντων,
  3. ἠδ’ ὁπόταν νεύρων ξανάᾳ κεχαλασμένα δεσμά.
  4. Δήεις καὶ σκυτάλην ἐναλίγκιον ἀμφισβαίνῃ
  5. εἶδος, ἀτὰρ πάχετόν τε καὶ οὐτιδανὴν ἐπὶ σειρὴν
  6. μάσσον’, ἐπεὶ σκυτάλης μὲν ὅσον σμινύοιο τέτυκται
  7. στειλειὸν πάχετος, τῆς δ’ ἕλμινθος πέλει ὅλκος,
  8. ἠὲ καὶ ἔντερα γῆς οἷα τρέφει ὄμβριμος αἶα.
  9. Οὐδ’ ἄρ’, ὅταν χαράδρεια λίπῃ καὶ ῥωγάδα πέτρην
  10. ἦρος ἀεξομένου ὁπόσ’ ἑρπετὰ γαῖα φαείνει,
  11. ἀκρεμόνος μαράθοιο χυτὸν περιβόσκεται ἔρνος,
  12. εὖτ’ ἂν ὑπ’ ἠελίοιο περὶ φλόον ἅψεα βάλλῃ,
  13. ἀλλ’ ἥγ’ ἀρπέζαις τε καὶ ἐν νεμέεσσι πεσοῦσα
  14. φωλεύει βαθύυπνος, ἀπ’ εἰκαίης δὲ βοτεῖται
  15. γαίης, οὐδ’ ἀπὸ δίψος ἀλέξεται ἱεμένη περ.
  16. Τεκμαίρευ δ’ ὀλίγον μὲν, ἀτὰρ προφερέστατον ἄλλων
  17. ἑρπηστῶν βασιλῆα· τὸ μὲν δέμας ὀξυκάρηνος,
  18. ξανθὸς, ἐπὶ τρία δῶρα φέρων μῆκός τε καὶ ἰθύν.
  19. Οὐκ ἄρα δὴ κείνου σπειραχθέα κνώδαλα γαίης
  20. ἰυγὴν μίμνουσιν, ὅτ’ ἐς νομὸν ἠὲ καὶ ὕλην